Siberiar tigre

Wikipedia(e)tik
Hona jo: nabigazioa, Bilatu

Eukaryota

Siberiar tigre
Iraute egoera
Sailkapen zientifikoa e
Erreinua: Animalia
Filuma: Chordata
Klasea: Mammalia
Ordena: Carnivora
Familia: Felidae
Generoa: Panthera
Espeziea: Panthera tigris
Azpiespeziea: Panthera tigris altaica
Temminck, 1884
Hedapen mapa

Siberiar tigrea (Panthera tigris altaica) Felidae familiako eta tigre espeziearen azpiespeziea da.

Hedapen geografikoa[aldatu | aldatu iturburu kodea]

Nahiz eta lehen Mendebaldeko eta Erdialdeko Asia eta ekialdeko Errusian zehar bizi, orain ekialdeko Siberian dagoen Amur eta Ussuri ibaien arteko eskualdean, Errusia eta Txinaren arteko mugan —Primorieko eta Jabarovskeko kraietan, hain zuzen ere— baino ez da bizi, eta babestuta dago han.

Ezaugarri fisikoak[aldatu | aldatu iturburu kodea]

Tigrearen zortzi azpiespezietatik, Siberiar tigrea Bengalako tigrearekin batera handiena da, bai eta felino handiena ere: badira 300 kilogramoko espezimenak (nahiz eta batezbesteko pisua 220-250 kg izan arretan, 130-160 kg emeetan).

107-120 zm-ko altuerara irits daiteke (Bengalakoa baino 10 zm altuago), eta 200-250 zm-ko luzeera du, luzeera horri 90-100 zm-ko buztana erantsi behar zaio.

Elikadura eta ehiza[aldatu | aldatu iturburu kodea]

Tigre hau beste harrapari handien artean bizi da, otsoak, Amur-eko lehoinabarra (bertako espeziea), jatun eta hartzekin batera besteak beste. Esan beharra dago, bere habitateko superharraparia dela eta lehian dauden beste harrapari horiek ehizatu, hil eta jateko gai dela.

Bere harrapakin nagusien artean tamaina handiko ungulatuak eta zerbidoak daude, esate baterako basuerdeak, oreinak, japoniar sika eta altzeak.

Iraute egoera eta arriskuak[aldatu | aldatu iturburu kodea]

Tigre azpiespezie hau arriskuan dago arriskuan dauden animalien zerrendaren arabera eta egun bere habitatean 500 tigre inguru bizi direla aurreikusten da.

Duela 15 urte, azpiespezie hau desagertzera kondenatua zegoela pentsatzen zen, Amureko lehoinabar bere lengusu txikiagoak bezala, kopuru urria zela eta. Dena den, lehoinabarra eta siberiar tigrea babesteko jarri ziren mekanismo guztiak direla eta, 15 urte hauetan tigre hauen kopurua izugarri hazi da aurreikuspen txar guztien aurretik, eta gaur kopurua orekatu baino gehiago hazten jarraitzen duela esan dezakegu, aurretik kondenatutako iraungitzetik behin betikoz alde egiteko.

Dena den, gaur egungo arrisku nagusiena, gizakiarengan hurbilegi egoteak eta orohar gizakiak tigrearen habitataren eskuhartzeak izaten jarraitzen du. Baita legez kanpoko ehiztariak ere, animalien bizirautearen aldeko mugimendu eta teknikak aurreratzen doazen heinean legez kanpoko ehiztarienenak beste horrenbeste aurreratzen direlako borroka amaigabe horretan.

[2] 2009an egindako ikerketa genetikoen arabera, desagertua den kaspiar tigrearen azpiespezie bera da.[3]

Erreferentziak[aldatu | aldatu iturburu kodea]

  1. The IUCN red list of endangered species
  2. Tigers.ca
  3. Driscoll, Carlos A.; Yamaguchi, Nobuyuki; Bar-Gal, Gila Kahila; Roca, Alfred L.; Luo, Shujin; eta beste (2009): «Mitochondrial Phylogeography Illuminates the Origin of the Extinct Caspian Tiger and Its Relationship to the Amur Tiger». PLoS ONE 4(1): e4125. doi:10.1371/journal.pone.0004125.

Kanpoko loturak[aldatu | aldatu iturburu kodea]


Commons-logo.svg
Commonsen badira fitxategi gehiago, gai hau dutenak:
Siberiar tigre
Wikispezieetan informazioa gehiago aurki dezakezu: Panthera_tigris_altaica