Thomas Carlyle
Wikipedia(e)tik
Thomas Carlyle (Ecclefechan, Dumfriesshire, Eskozia, 1795 - Londres, Ingalaterra, 1881) historialaria, kritikaria eta filosofoa izan zen. Alemaniar idazleek eta pentsalariek eragin handia izan zuten harengan (Goethe, Schiller, Herder). Ospe handia eman zioten The French Revolution (1837, Frantziako Iraultza) eta On Heroes (1841, Heroiei buruz) lanek. Materialismoaren aurkakoa zen; historian zehar eliteek zuten garrantzia onartu zuen, baina, era berean, gizarte-justiziaren aldezkari sutsua izan zen. The History of Friedrich II of Prussia (Frederiko II.a Prusiakoaren Historia) idatzi zuen 1855-1865 urteetan.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
