William Blake
William Blake (London, 1757ko azaroaren 28–London, 1827ko abuztuaren 12) poeta, margolari eta grabatzaile ingelesa izan zen. Batzuen ustez, Blake da Britainia Handiak inoiz emandako artistarik handiena.
Bizitza
Hamalau urte zituela Basire grabatzailearekin hasi zen ikasten; gero Royal Academy erakundean Flaxman eta Füsslirekin. Reynoldsen irakaspenetik izadiak inspiratutako pinturarekiko mespretxu sakona gorde zuen. 1783an bere lehen poema liburua argitaratu zuen, lirismo bizikoa eta ikuskariz betea. Berarekin lan egiten zuen anaiaren heriotzak haluzinazioak eragin zizkion, eta ikuskarietarako joera aregotu. 1789an Songs of Innocence ospetsua argitaratu zuen, berak grabatu eta koloreztatu zuen liburu saileko lehena. Ondoren Songs of experience (1894) eta liburu profetiko zenbait (Prophetic books) argitaratu zituen bere teknika bereziez baliatuz. Zortzi urtez ahaztua eta miserian bizi izan ondoren Londresa itzuli zen eta ehun marrazki landu zituen Joben liburua eta La divina commedia irudiztatzeko. Blake ingeles erromantizismo aurreko pertsonaiarik interesgarrienetakoa da. Iragarle estiloan ideal iraultzailearekiko atxikimendua eta kristau moralaren izaera zapaltzailea aldarrikatzen ditu; erlijio dogmatismoari aurka eginez, humanismo sakonez kutsaturiko mitologia bere-berea osatu zuen (Biblia eta Swedenborgen irakurketak inspiratua).
Bibliografia
Idatzitakoak
- 1788: All Religions Are One eta There Is No Natural Religion.
- 1789: Songs of Innocence eta The Book of Thel.
- 1790–1793: The Marriage of Heaven and Hell.
- 1793: Visions of the Daughters of Albion eta America: a Prophecy.
- 1794: Europe: a Prophecy, The First Book of Urizen eta
Songs of Experience.
- 1795: The Book of Los, The Song of Los eta The Book of Ahania.
- 1804–1811: Milton: a Poem.
- 1804–1820: Jerusalem: The Emanation of The Giant Albion.
Ilustratutakoak
- 1788: Mary Wollstonecraft, Original Stories from Real Life
- 1797: Edward Young, Night Thoughts
- 1805-1808: Robert Blair, The Grave
- 1808: John Milton, Paradise Lost
- 1819-1820: John Varley, Visionary Heads
- 1821: R.J. Thornton, Virgil
- 1823-1826: The Book of Job
- 1825-1827: Dante, The Divine Comedy.
Ikus, gainera
Kanpo loturak
 |
Wikimedia Commonsen badira fitxategi gehiago, gai hau dutenak: William Blake  |
- (Ingelesez) "The William Blake Archive" webgunea
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.