Agapanthia cardui

Agapanthia cardui
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Cerambycidae
Leinua	Agapanthiini
Generoa	Agapanthia
Espeziea	Agapanthia cardui; Linnaeus, 1767

Agapanthia cardui Cerambycidae familiako kakalardoa da, zientziarako Lineok 1767an deskribatu zuena. Europa hegoaldean eta erdialdean hedaturik dago^[1], Euskal Herrian ere aurkitzen da^[2].

Deskribapena[aldatu | aldatu iturburu kodea]

Kakalardo txikia da, 9-12 mm neurtzen ditu^[3]. Kolorez nahiko aldakorra izan daiteke, baina normalean beltza da, orban berdeak dituena eta ile finez estalita dagoena. Lerro zuri-horixka batek zeharkatzen du gorputza^[3]. Gorputza bera estua eta luzea da.

Antenak oso luzeak dira, gorputza baino luzeagoak, eta 12 artikulazio dituzte. Kolorez ilunak dira baina artikulazioak argiak dira^[4].

Habitata[aldatu | aldatu iturburu kodea]

Ingurune lehorrak atsegin ditu^[1] eta kardutaz elikatzen da, hortik cardui izena.

Bizi zikloa[aldatu | aldatu iturburu kodea]

Helduak martxoa eta uztaila artean ikusten dira. Karduetan eta orburuetan ikustea ohikoa da^[3]. Lorez lore egiten dute hegan eguzki betean. Kardu espezie ezberdinetan arrautzak jartzen ditu emeak eta haien zurtoinetan urtebetez garatzen dira beldarrak^[1].