Aggersborg

Aggersborg
UNESCOren gizateriaren ondarea
Irudi gehiago
Kokapena
Estatu burujabe	Danimarka
Estatu	Danimarka
Eskualdea	Ipar Jutlandia
Udalerria	Vesthimmerland Municipality
Koordenatuak	56°59′44″N 9°15′18″E
Historia eta erabilera
Irekiera	980(e)ko hamarkada
Gizateriaren ondarea
Erreferentzia	1660-001
Eskualdea	Europa eta Ipar Amerika
Izen-ematea	bilkura)

Aggersborg Danimarkan dauden eraztun itxurako gotorleku bikingoen artean handiena da. Ipar Jutlandian kokaturik dago, Limfjord fiordoaren iparraldeko ertzeko Aggersund herrian.

Historia

Burdin Arotik populatua izan bada ere, gaztelua bera 980 urtearen inguruan eraiki zen Harald Blaatand errege bikingoaren edo honen seme Svend I.a "Bizar zatitua"-ren erregealdian. Bi urtetan eraiki zen, baina bost eta hogei urte artean baino ez zen erabilia izan. 5.000 pertsona bizi zitezkeen bertan. Garai hartako Limfjordeko pasabide eta bidegurutze garrantzitsuenak kontrolatzeko eraiki zen.

Aggersborg 1990ean berriztu zen.

Egitura

Eraztunak 240 metrotako diametroa dauka eta lau kale ditu gurutze forman ezarriak. Inguruko harresiak 4 metrotako altuera zuela uste da.

Eraztunaren barnean 48 etxe luzeren aztarnak aurkitu dira. Etxeen hormak kurbatuak ziren, itsasontzi itxura daukatelarik, eta bataz beste 32'5 metro luze eta 8'5 metro zabal ziren. Aurrealdean sarrera zeukaten, 19 metro ingurukoa, eta atzean gela txikiak zituzten.

Etxe bakoitza egiteko 66 haritz handi erabili ziren eta gotorleku guztia eraikitzeko 5.000 inguru.

Etxe luzea berreraikita.

Ikus, gainera

• Eraztun itxurako gotorleku bikingoak

Kanpo estekak

• Datuak: Q393191
• Multimedia: Aggersborg / Q393191