Agustin Mujika
| Agustin Mujika | |
|---|---|
 Takolo eskuinaldean Pirritx eta Porrotxekin | |
| Bizitza | |
| Izen osoa | Agustin Mujika Yarza |
| Jaiotza | Lasarte-Oria, 1960ko martxoaren 16a (59 urte) |
| Herrialdea |
 Gipuzkoa, Euskal Herria |
| Heriotza | (59 urte) |
| Jarduerak | |
| Jarduerak | pailazoa eta aktorea |
Agustin Mujika Yarza[1] (Lasarte-Oria, Gipuzkoa, 1960ko martxoaren 16a) irakasle-monitorea, sortzailea, pailazoa, bentrilokuoa eta euskaltzalea da.
Bizitza[aldatu | aldatu iturburu kodea]
Beti euskaraz lan egin du Agustin Mujikak, Barnetegiak sortu zirenetik 1986an Barnetegi ezberdinetan aritu da. Gaur egun Segurako Euskal Girotze Barnetegian dago eta haren ideiari esker ere 1986az geroztik Lasarte-Orian egiten den hain ospetsua den Euskararen Maratoia.[2] Hain zuzen euskararen alde lan egiteko hasi ziren Agustin Mujika eta Joxe Mari Agirretxe pailazo lanetan, biak Lasarte-Oriakoak, bata baserritarrez jantzita, eta bestea Olentzeroren rolean; gerora bihurtu ziren Takolo eta Porrotx.[3] Izan ere, Takolo, Pirritx eta Porrotx taldeko Takolo pailazoa izan zen 20 urtetan, harik eta 2000ko hamarkadan taldea utzi zuen arte.
Gaur egun Zaldibian bizi da, emaztearekin, eta bi seme-alaba dituzte. Oraindik ere Takolo rolarekin pailazo agerraldiak egiten ditu, noizbehinka, Zaldibiako bi gazterekin (Kuki eta Koxmo), inguruko herrietan batez ere. Mozorro-dendako saltzailea da ere, Zaldibian, Ordizian eta Donostian. Segurako barnetegian irakasle-monitore ere aritzen da, haurren sormena lantzen.[4][5]
1984an Guardia Zibilak atxilotu eta torturatu zuen. Libre atera zen, kargurik gabe.[6] Zaldibian Batasuneko zinegotzi izana, Zaldibiako Udalak herriko etakide bat seme kutun izendatu zuelako akusazioaren pean, 2007an Espainiako Auzitegi Nazionalak Mujika beste 8 zinegotzi ohirekin batera prozesatu zuen.[7] Libre atera ziren, kargurik gabe.[8]
Erreferentziak[aldatu | aldatu iturburu kodea]
- ↑ Abizenak horrela idaztea, euskal herritar horren aukera pertsonala da. Izan ere, Euskaltzaindiak, euskara baturako, hurrenez hurren Muxika eta Iartza onartu ditu deitura horien grafiatzat. Ikus Euskal Onomastikaren Datutegia.
- ↑ G. Goikoetxea: «Euskara, Lasarte-Oriako egoera: Ereindakoaren fruituak ontzen hasteko garaia», Berria, 2016-08-04.
- ↑ Maialen Unanue: «Muxu eta irrien filosofia», Berria, 2012-11-25.
- ↑ Ilargi Agirre: «Mozorroen tenplua», Berria, 2015-02-01.
- ↑ Monika Juaristi: «Betiko lepotik, burua», Berria, 2013-09-11.
- ↑ «Mujika Yarza, Agustín», Euskal Memoria.
- ↑ (Gaztelaniaz) «La A. Nacional juzgará a ex concejales de Batasuna en Zaldibia (Guipúzcoa) por nombrar hijo predilecto a un etarra», Europa Press, 2007-02-04.
- ↑ (Gaztelaniaz) «Absuelven a la corporación de Zaldibia por un homenaje a un etarra muerto», Diario Vasco, 2007-02-20.
| Autoritate kontrola |
|
|---|
Datuak: Q16515957
