Ameriketako Estatu Batuetako Alderdi Demokrata

Alderdi Demokrata Democratic Party
Sorrera	1828, ggb (modernoa)
Egoitza nagusia	430 South Capitol Street SE Washington DC 20003
Ideologia politikoa	Liberalismoa, progresismoa, Hirugarren Bidea
Eserlekuak erakundeetan	AEBetako Senatuan 45 / 100 AEBetako Ordezk. Etxean 232 / 435 Estatuetako gobernadoreak 24 / 50
www.democrats.org

Alderdi Demokrata (ingelesez Democratic Party) Estatu Batuetako bi alderdi nagusietako bat da. Gehiengoa dauka Estatu Batuetako Ordezkarien Etxean, baina ez Estatu Batuetako Senatuan.

Estatu Batuetako politikako ezker-eskuin sailkapenean, gaurko egunez Alderdi Demokrata Alderdi Errepublikanoaren ezkerraldean kokatu ohi da, gai ekonomikoen nahiz gizarte gaien aldetik.

Historia

Alderdi Demokratak XIX. mende hasierako jeffersondar printzipioetan ditu bere sustraiak. 1828ko hauteskundeetan, Alderdi Errepublikanoa bi hautagai desberdinen artean banatu zen, gobernu motari buruzko ikuspegiak gogor bereizita: alde batetik, Henry Clay; bestetik, Andrew Jackson. Borroka latz horretan, bigarrenak irabazi zuen, egungo Alderdi Demokrataren aitzindari bat. 1834tik aurrera, Jacksonen jarraitzaileak "demokrata" hasi zitzaizkion deitzen beren alderdiari.

1874tik aurrera beren ikurra astoa da (a jackass, 'astapotroa', komiki satirikoetan aurkariek Jacksoni deitu zioten bezala). Alderdi Errepublikanoaren ikurra, aldiz, elefantea da. Alderdiaren kolore bereizgarri gisa urdina erabili ohi da (errepublikanoena, aldiz, gorria).

Kanpo estekak

• Alderdi Demokrataren webgunea (Ingelesez)

• Datuak: Q29552
• Multimedia: Democratic Party (United States)