Ana García Carías

Wikipedia, Entziklopedia askea

 

Ana García Carías

Hondurasko lehen dama

2014ko urtarrilaren 27a - 2022ko urtarrilaren 27a
Bizitza
JaiotzaTegucigalpa, 1969ko irailaren 21a (54 urte)
Herrialdea Honduras
BizilekuaTegucigalpa
Familia
Ezkontidea(k)Juan Orlando Hernández
Hezkuntza
HeziketaUniversidad Nacional Autónoma de Honduras (en) Itzuli
State University of New York at Albany (en) Itzuli
Jarduerak
Jarduerakabokatua eta politikaria
Sinesmenak eta ideologia
Alderdi politikoa Hondurasko Alderdi Nazionala
Facebook: 603018363051239 Edit the value on Wikidata

Ana Rosalinda García Carías (Tegucigalpa, Honduras, 1968ko irailaren 21a) hondurastar abokatua da. Hondurasko lehen dama ohia da, 2014tik 2022ra, Juan Orlando Hernández senarra presidentea izan baitzen.[1]

Biografia[aldatu | aldatu iturburu kodea]

Haurtzaroa eta familia[aldatu | aldatu iturburu kodea]

Comayagüelan jaio zen, MDC Francisco Morazán departamenduan, 1968ko irailaren 21ean. Haurtzaroan Juticalpa hirian bizi izan zen, Olanchako departamenduan, aitaren jaioterrian, eta gero Tegucigalpara itzuli zen.

José Guillermo Garcíaren eta Carlota Caríasen arteko ezkontzaren bigarren alaba da. Julia, Lottie eta Guillermo neba-ahizpak ditu. UNAHn ikasten ari zela, Juan Orlando Hernández ezagutu zuen, eta harexekin ezkondu zen 1990eko otsailaren 3an, urte eta erdiko harremanaren ondoren.[2] Bikoteak lau seme-alaba izan zituen: Juan Orlando, Ivonne María, Ana Daniela eta Isabela.[3]

Haren tatara-aitona Tiburcio Carías Andino doktore eta jeneral nazionalistaren anaia zen (1876-1969), Hondurasko diktadorea 1933tik 1949ra bitartean.[2]

Ikasketak[aldatu | aldatu iturburu kodea]

16 urterekin Tegucigalpako Sagrado Corazón institutuan graduatu zen. Gero, Hondurasko Unibertsitate Nazional Autonomoan (UNAH) ikasi zuen, eta handik bikaintasun akademikoarekin graduatu zen, Merkataritza Zuzenbideko Orientazioko Zientzia Juridiko eta Sozialetan lizentziatu gisa. Bere senarrarekin ezkondu eta Ameriketako Estatu Batuetara joan zen Albany Unibertsitatean (New York) sektore publikoko administrazioan graduondoko ikasketak egitera, eta 1995ean amaitu zituen ikasketak. 2002an abokatu eta notario publiko titulua lortu zuen.

Hondurasko lehen dama[aldatu | aldatu iturburu kodea]

Ana García Carías Hondurasko lehen dama izan zen 2014ko urtarrilaren 27an; izan ere, Juan Orlando Hernández senarrak irabazi zituen 2013ko lehendakaritzarako hauteskundeak. Presidenteak Fuerza del Niño Migrante (Haur Migratzailearen Indarra) izeneko instutuzio arteko erakundearen buru jarri zuen. Batzordea bere komunitateetara itzulitako haur migratzaileen babesteko sortu zen.

2015. urtean, Aseguru Sozialaren eskandalu baten erdian (lapurtutako diruaren zati bat Hernandezen lehendakaritza-kanpainari eman zitzaion), Hondurasko oposizio politikoak garbi erakutsi zuen lehen dama Miamiko etxe garesti baten jabe zela.[4]

2018ko uztailean, Hondurasko Ustelkeriaren eta Zigorgabetasunaren aurkako Laguntza Misioak ondasunak konfiskatzeko eskatu zuen, "Pandora" ustelkeria-kasuan tarteko zirenen aurka, hiru pertsonaren izenean zegoen enpresa bat barne, besteak beste, Ana García.[5] Hori zela eta, komunikabideek jakinarazi zuten bazela konfiskatzeko agindu bat lehen damaren aurka, eta hark gezurtatu egin zuen, 2006tik gizarte hartatik bereizi zela ziurtatuz.[6]

Lehen dama izan ostean[aldatu | aldatu iturburu kodea]

2022ko otsailaren 14an, lehen damaren kargua utzi eta bi astera, Estatu Batuetako gobernuak Juan Orlando Hernández senarra herrialde hartara estraditatzeko eskatu zuen narkotrafiko-delituengatik.[7] Handik egun batera, Hernández senarra atxilotu egin zuten etxean, polizia-hedapen handi baten ondoren, eta Polizia Nazionalaren unitate berezi batean gorde zuen prebentziozko espetxea.[8][9][10] Hernándezen estradizioa martxoaren 28an berretsi zen eta apirilaren 21ean burutu. Epaiketa 2024ko otsailaren 20an hasi zen, eta urte horretako martxoaren 8an amaitu, azken epaia eman ondoren.[11]

Ana García, bere senarra Juan Orlando Hernández estraditatu ondoren, 2022ko apirilean bertan, sare sozialen bidez komunikabide eta pertsuasio kanpaina baten buru hasi zen Daniela eta Isabela alabekin batera, bere senarraren irudi publikoa defendatzen. Bere estradizioaren eta haren aurkako akusazioen ondorioz, sare sozialetan bere senarraren ustezko errugabetasuna gogorarazi zuen, eta hori ez da frogatu eta 2023az geroztik zurrumurruak hasi ziren, hautagaitzarako hautagai gisa aurkezzitekeela Hondurasko presidentetza 2025eko Honduraseko Hauteskunde Orokorretan.

Erreferentziak[aldatu | aldatu iturburu kodea]

  1. ↑ Ana Garcia de Hernandez,solidaria. 28 de abril de 2014.
  2. ↑ a b Su sangre lleva el azul de su partido. 2013.
  3. ↑ Juan Orlando Hernández: La historia detrás del presidente electo de Honduras (9 de enero, 2014). Estilo. Consultado 10 de abril de 2014.
  4. ↑ José Meléndez (14 de agosto de 2015). Casa de primera dama de Honduras en el sur de Florida atiza escándalo político. El Nuevo Herald. Consultado el 19 de octubre de 2019.
  5. ↑ Piden privación definitiva de bienes del caso Pandora. 31 de julio de 2019.
  6. ↑ Primera Dama aclara que no tiene vínculos con sociedad del caso Pandora. 1 de agosto de 2019.
  7. ↑ Estados Unidos pide en extradición al expresidente Juan Orlando Hernández. .
  8. ↑ López Obrador cree que la detención de expresidente hondureño violó los DDHH. .
  9. ↑ Juan Orlando Hernández: detienen al expresidente de Honduras tras una solicitud de extradición de Estados Unidos. 16 de febrero de 2022.
  10. ↑ Derechos del expresidente hondureño no han sido violentados, dice canciller. 19 de febrero de 2022.
  11. ↑ En enero de 2023 iniciaría juicio de Juan Orlando Hernández en Estados Unidos. 10 de mayo de 2022.

Bibliografia[aldatu | aldatu iturburu kodea]

Kanpo estekak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Ana García Carías Aldatu lotura Wikidatan
"https://eu.wikipedia.org/w/index.php?title=Ana_García_Carías&oldid=9789320"(e)tik eskuratuta