Anatoli Lukianov

Wikipedia, Entziklopedia askea
Hona jauzi: nabigazioa, Bilatu
Anatoli Lukianov
Anatoliy Lukjanov foto.jpg
SESBeko Sobiet Goreneko kidea


Dumako diputatua


Chairman of the Supreme Soviet of the USSR

1990eko martxoak 15 - 1991ko irailak 4
Bizitza
Jaiotza Smolensk1930eko maiatzaren 7a (87 urte)
Herrialdea  Sobietar Errepublika Sozialisten Batasuna
 Errusia
Lehen hizkuntza errusiera
Familia
Seme-alabak
Hezkuntza
Heziketa Moskuko Estatu Unibertsitatea
Hezkuntza-maila Doctor of Juridical Sciencea
Hizkuntzak errusiera
Lanbidea
Lanbidea politikaria eta poeta
Lantokia(k) Mosku
Jasotako sariak
Sinesmenak
Alderdi politikoa Communist Party of the Russian Federation
Sobietar Batasuneko Alderdi Komunista

Anatoli Ivanovitx Lukianov (Smolensk, Sobietar Batasuna, 1930eko maiatzaren 7a) politikaria eta legegizona da.

Bizitza[aldatu | aldatu iturburu kodea]

Zuzenbidea ikasi zuen Moskuko Lomonosov Unibertsitatean, 1953-1956 urteen bitartean. 1955. urtean Sobietar Batasuneko Alderdi Komunistako kide egin zen, eta hurrengo urtean SESBeko Ministro Batzordeko aholkulari izan zen, 1961 arte. 1977an Sobiet Goreneko Idazkari izendatu zuten, 1983 arte. 1985ean Gorbatxovek Alderdi Komunistako Batzorde Nagusiko Departamentu Orokorreko buru izendatu zuen. Handik bi urtera Batzorde Nagusiko Idazkari izendatu zuten, eta 1988an Buro politikoko kide. Gorbatxov estatuburu hautatu zutenean, Sobiet Goreneko Presidiumeko lehendakariorde izendatu zuten Lukianov, eta handik urtebetera Sobiet Goreneko lehendakariorde.

1991ko estatu-kolpetik bereizi nahi izan bazuen ere, alderdian eta gobernuan zituen karguetatik kendu zuten denboraldi batez, susmoa baitzegoen estatu-kolpean parte hartu zuela. Aldi berean, Fiskaltzari eskatu zitzaion ikerketak egin zitzan Lukianoven jarreraren inguruan. Azkenean, atxilotu egin zuten. 1992an aginpidea hartzeko konplota eta estatu-krimena leporatu zioten.

Espetxean izan zen bitartean idazteari ekin zion; bere poemak Poemak espetxetik lanean bildu zituen. Urte horren amaieran irten zen espetxetik, besteak beste, osasun-arazoak zituelako. Hala eta guztiz ere, Boris Jeltsinen eta gobernuaren kontrako manifestaldietan parte hartu zuen, eta Gorbatxoven kontra hitz egin zuen. Dumako diputatu izatea lortu zuen, eta horri esker immunitatea du. 1994an Dumak amnistia eman zien 1991ko estatu-kolpean parte hartu zutenei, Lukianovi besteak beste.

Erreferentziak[aldatu | aldatu iturburu kodea]