Andrés Isasi Linares

Andrés Isasi Linares
Bizitza
Jaiotza	Bilbo, 1890eko urriaren 28a
Herrialdea	Bizkaia, Euskal Herria
Heriotza	Algorta, 1940ko apirilaren 6a (49 urte)
Jarduerak
Jarduerak	musikagilea eta piano-jotzailea
Genero artistikoa	sinfonia
Musika instrumentua	pianoa

Andrés Isasi Linares (Bilbo, 1890eko urriaren 28a - Algorta, Getxo, 1940ko apirilaren 6a) bizkaitar musikagile eta poeta lirikoa izan zen.

Humperdinckekin ikasi zuen Berlinen, eta haren ikaslerik begikoena izatera iritsi zen. 1914an Berlinen poema sinfoniko bat estreinatu zuen (Amor dormido). Urte berean konposizio sari bat irabazi zuen Suedian Zharufa poema sinfonikoarekin. 1930ean berebiziko arrakasta izan zuen Budapesten bere Angelusarekin. Beste obra batzuk: Cuarteto en Sol mayor; El Oráculo, El Pecado poema sinfonikoak eta Segunda Sinfonía en Sol; Viajero enlutado, Narración del viejo marino eta El rey y el bufón baladak; Cuarteto en Do menor ganberako konposizioa. Atsegin hutsez jardun zuen musikagintzan, bizibidea musikatik ateratzeko inolako beharrik ez zuen eta. Isasiren musikak folklorearen elementu landuak erabili zituen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q524358