Anfield

Anfield
	Irudi gehiago
Kokapena
Estatu burujabe	Erresuma Batua
Herrialdea	Ingalaterra
Ingalaterrako eskualdea	Ipar-mendebaldeko Ingalaterra
Metropolitan county	Merseyside
Metropolitan borough	Liverpool
Hiria	Liverpool
Inner city	Anfield
Koordenatuak	53°25′51″N 2°57′39″W / 53.4308°N 2.9608°W
Historia eta erabilera
Irekiera	1884
Inaugurazioa	1885
Jabea	Fenway Sports Group (en)
Kudeatzailea	Liverpool Football Club; Everton Football Club
Kirola	futbola
Erabiltzailea	Liverpool Football Club 1892 ; Everton Football Club 1884 - 1892
Edukiera	53.394
Arkitektura
Arkitektoa	Archibald Leitch
Kontaktua
Helbidea	Anfield Road, Liverpool L4 0TH
	Webgune ofiziala

Anfield, Liverpool portu hirian kokatzen den futbol zelaia da, Ingalaterrako ipar-ekialdean dagoen Merseyside gune metropolitarrean kokatua dagoelarik. Ingalaterrako Premier Leaguean jokatzen duen Liverpool Football Club talde ezagunaren egoitza eta jokaleku da.^[1]

Anfield estadioa lau harmailetan banatzen da: Spion Kop ("Egoera Etsia"), Main Stand ("Armaila Nagusia"), Centenary Stand ("100. Urteurrenaren Armaila") eta Anfield Road ("Anfield Bidea").

Historia[aldatu | aldatu iturburu kodea]

Anfield futbol zelaia 1884 urtean eraiki zen, Stanley Parkearen (Stanley Park) aldamenean, eta lehenbizikoz Everton FC taldearen jokalekua zen (Liverpool hiriko beste talde nagusia). Halere Everton F.C.-ek 1892an arazo ekonomikoak medio futbol zelaia utzi beharrean aurkitu zen. Egoera honela zegoela, zelaiaren nagusia zen John Houlding-ek bere klub edo futbol elkartea sortzea erabaki zuen, hau da, Liverpool F.C. taldea izango zena.

1906an, Liverpool F.C.-ko zaleek futbol zelaiko harmailetako bat Spion Kop ("Egoera Etsia") izenaz bataiatu zuten, Bigarren Boer Gerrateko gudetan hil ziren Lancashire Errejimenduko 300 gizonen oroimenez. Gizon haietako gehiengoa Liverpool-ekoa baitziren.