Anne Etxegoien

Anne Etxegoien
	; (2014) Irudi gehiago
Bizitza
Jaiotza	Donapaleu, 1980 (43/44 urte)
Herrialdea	Nafarroa Beherea, Euskal Herria
Hezkuntza
Hizkuntzak	euskara; frantsesa; gaztelania
Jarduerak
Jarduerak	abeslaria eta aktorea
Genero artistikoa	herri-musika; pop musika
Musika instrumentua	ahotsa
	anne-etchegoyen.com

Anne Etxegoien Iturriria —frantses grafiaz eta izen artistikoaz Anne Etchegoyen— (Donapaleu, Nafarroa Beherea, 1980) Euskal Herriko kantautore eta abeslaria da.

Ibilbidea

Zortzi urterekin hasi zen abesten, haren amak zuzentzen zuen ume abesbatzan. Geroxeago Baionako kontserbatorioan ikasi zuen. Batxilergoa bukatu ondoren, merkataritza ikasketak egin zituen.

Euskaraz, frantsesez eta gaztelaniaz kantatzen du.^[1] Lau disko bakarlari gisakaleratu ditu, eta beste bi, Aizkoa gizonezko koruarekin. Frantzian arrakasta handia izan du, 2012an Le Chœur du Village («Herriko Abesbatza») dokumental saileko seigarren eta azken atalean hainbat talderekin kantatu eta gero; France 3 telebista kateak eman zuen sail hori, 2013an.^[2]^[3]^[4]

Era berean, fama handia hartu du, ospakizun handietan Marseillesa frantses ereserkia hiru aldiz kantatu duelako: 2003an Parisen munduko atletismo txapelketan,^[5] 2009an munduko saskibaloi txapelketan, eta 2010ean Frantziaren eta Argentinaren arteko errugbi partidan Montpellierren.

Haren azken disko Les Voix Basques urrezko diskoa izan da Frantzian, 60.000 kopia baino gehiago saldurik. Kontzertuak egin ditu munduko beste hainbat herrialdetan ere, hala nola Argentinan, Ameriketako Estatu Batuetan, Ingalaterran, Irlandan eta Espainian. Basque eta Paz Tour izeneko bira egin zuen hainbat herrialdetan barrena: izenburu horretan bilduta daude kantatzean darabiltzan hiru hizkuntza nagusiak (euskara, frantsesa eta gaztelania), bai eta Euskal Herrirako nahi lukeen bakearen ideia ere.^[6]

Anne Etchegoyen lagunez inguratu da berriro bere disko berria osatzeko, ‘Emazte’. Diskaren barruan "Ez da ez" abestia dago, Itziar Ituño abeslari eta aktorearekin batera grabatua, euskaraz, gaztelaniaz eta frantsesez.^[7] 2022an beste remix bat atera zuten Hego nahiz Ipar Euskal Herriko hainbat ezagunekin, hala nola, Ander Gonzalezek, Maïtena Birabenek, Sébastien Boueilhek, Yasmina Jaafarrek, Francine Massianik, Jean-Pierre Papinek, Afrika Baetak, Ilaski Serranok, Jean-Pierre Pernautek eta Asun Casasolak.^[8]^[9]^[10]

Diskoak

Bakarlari

Otentik (2006)
Pachamama (2008)
Adelante (2010)
Emazte (2020)

Aizkoa abesbatzarekin

Les voix basques (2013)
Ongi etorri (2014, Elkar)^[11]^[12]

Kolaborazioak

Les voix célestes du Pays Basque chantent Noël (2005)

Erreferentziak

↑ (Ingelesez) «Anne Etchegoyen», BEO
↑ (Frantsesez) «Peyrehorade (40): "Le Chœur du village", un feuilleton télé au cœur des Landes», France 3 Aquitaine webgunean. (Aurrekoa ez badabil, ikus artxiboko bertsioa)
↑ (Frantsesez) «France 3 fera chanter "Le Chœur du village"», Petits écrans, 2012-04-25.
↑ Martin, Xabier. (2017-02-05). «Anne Etchegoyen euskal musika taldea» Iparra.eus (Noiz kontsultatua: 2020-03-25).
↑ (Gaztelaniaz) Mintzalagun. (2013-12-10). «Anne Etchegoyen · Donapaleu · Euskal abeslaria · Cantante vasca» Mintzalagun (Noiz kontsultatua: 2020-03-25).
↑ (Gaztelaniaz) José A. GUERRERO: «Anne Etchegoyen triunfa en Francia cantando en euskera», Diario Vasco, 2014-01-19.
↑ SL, TAI GABE DIGITALA. (2020-03-17). «Anne Etchegoyenek eta Itziar Ituñok ‘Ez da Ez’ kanta eta bideoklipa kaleratu dute» naiz: (Noiz kontsultatua: 2020-03-25).
↑ «Gasteizek 400 ekitaldi baino gehiago ditu prest Andre Maria Zuriaren jaietarako, Zeledonen itzuleran» EITB 2022-07-12 (Noiz kontsultatua: 2022-07-18).
↑ SL, TAI GABE DIGITALA. (2022-07-12). «Zeledon 400 ekitaldi baino gehiagorekin itzuliko da Gasteizko jaietara» naiz: (Noiz kontsultatua: 2022-07-18).
↑ «Anne Etchegoyen euskal kantautoreak 'Ez da ez' abestiaren rexima atera du» El Correo 2022-07-10 (Noiz kontsultatua: 2022-07-18).
↑ Erostarbe, Gorka. «Anne Etxegoien Frantzian ezagun egin duten kantuak plazaratu ditu Elkarrek» Berria (Noiz kontsultatua: 2020-03-25).
↑ «'Les Voix Basques. Ongi Etorri' diskoa kaleratu dabe Anne Etxegoienek eta Aizkoa abesbatzak» bizkaie.biz (Noiz kontsultatua: 2020-03-25).

Ikus, gainera

Kanpo estekak

(Frantsesez) Anne Etxegoien abeslariaren webgunea
Anne Etxegoien Gure Kasa saioan

Datuak: Q12253588
Multimedia: Anne Etchegoyen / Q12253588

[1] (Ingelesez) «Anne Etchegoyen», BEO

[2] (Frantsesez) «Peyrehorade (40): "Le Chœur du village", un feuilleton télé au cœur des Landes», France 3 Aquitaine webgunean. (Aurrekoa ez badabil, ikus artxiboko bertsioa)

[3] (Frantsesez) «France 3 fera chanter "Le Chœur du village"», Petits écrans, 2012-04-25.

[4] Martin, Xabier. (2017-02-05). «Anne Etchegoyen euskal musika taldea» Iparra.eus (Noiz kontsultatua: 2020-03-25).

[5] (Gaztelaniaz) Mintzalagun. (2013-12-10). «Anne Etchegoyen · Donapaleu · Euskal abeslaria · Cantante vasca» Mintzalagun (Noiz kontsultatua: 2020-03-25).

[6] (Gaztelaniaz) José A. GUERRERO: «Anne Etchegoyen triunfa en Francia cantando en euskera», Diario Vasco, 2014-01-19.

[7] SL, TAI GABE DIGITALA. (2020-03-17). «Anne Etchegoyenek eta Itziar Ituñok ‘Ez da Ez’ kanta eta bideoklipa kaleratu dute» naiz: (Noiz kontsultatua: 2020-03-25).

[8] «Gasteizek 400 ekitaldi baino gehiago ditu prest Andre Maria Zuriaren jaietarako, Zeledonen itzuleran» EITB 2022-07-12 (Noiz kontsultatua: 2022-07-18).

[9] SL, TAI GABE DIGITALA. (2022-07-12). «Zeledon 400 ekitaldi baino gehiagorekin itzuliko da Gasteizko jaietara» naiz: (Noiz kontsultatua: 2022-07-18).

[10] «Anne Etchegoyen euskal kantautoreak 'Ez da ez' abestiaren rexima atera du» El Correo 2022-07-10 (Noiz kontsultatua: 2022-07-18).

[11] Erostarbe, Gorka. «Anne Etxegoien Frantzian ezagun egin duten kantuak plazaratu ditu Elkarrek» Berria (Noiz kontsultatua: 2020-03-25).

[12] «'Les Voix Basques. Ongi Etorri' diskoa kaleratu dabe Anne Etxegoienek eta Aizkoa abesbatzak» bizkaie.biz (Noiz kontsultatua: 2020-03-25).

[1]

[2]

[3]

[4]

[5]

[6]

[7]

[8]

[9]

[10]

[11]

[12]