Baelo Claudia

Baelo Claudia
	Baelo Claudia; Conjunto Arqueológico de Baelo Claudia
	Kultura ondasuna
	Irudi gehiago
Kokapena
Estatu burujabe	Espainia
Autonomia	Andaluzia
Probintzia	Cádizko probintzia
Udalerria	Tarifa
Koordenatuak	36°05′24″N 5°46′29″W / 36.08993°N 5.77461°W
Arkitektura
Estiloa	erromatar arkitektura
Ondarea
BIC	RI-55-0000006
Kontaktua
Helbidea	Ensenada de Bolonia s/n, 11380 Tarifa (Cádiz)
	Webgune ofiziala

Baelo Claudia hiri erromatarra izan zen, Boloniako badian, gaur egungo Tarifa hiritik 22 kilometro ipar-mendebaldera, zegoena. Aztarnategi arkeologikoa Itsasarteko Parke Naturalaren barruan dago. Bere aztarna arkitektonikoen azterketak K. a. II. mendearen amaieran bere jatorri erromatarra erakusten du. Garai hartatik aurrera, aberastasun handia izan zuen, eta horrek gune ekonomiko garrantzitsu bihurtu zuen Mediterraneoaren inguruko eremuan. 1925ean kultura ondasun izendatu zuten.^[1]

Hiria K. a. II. mendearen amaieran jaio zen. Izan ere, kokaleku bastetar-puniko zaharrago baten oinordekoa zen (Bailo, Baelokun), eta oso lotuta zegoen Afrika iparraldearekin zuen merkataritzarekin (Marokoko Tanger hiriarekin lotzen zuen itsas-portu nagusia zen). Litekeena da Baelo Claudiak administrazio-zentroko funtzio batzuk izatea, baina arrantza, gazitze-industria eta garum saltsaren ekoizpena aberastasun-iturri nagusiak izan ziren.^[2] Klaudio enperadore erromatarrak municipium (erromatar udalerri) titulua eman zion.