Bakarne Atxukarro

Wikipedia, Entziklopedia askea
Bakarne Atxukarro
Bakarne Atxukarro 2021.jpg
Bizitza
Jaiotzako izen-deiturakBakarne Atxukarro Estomba
JaiotzaIrun1974ko abuztuaren 19a (47 urte)
Herrialdea Gipuzkoa, Euskal Herria
Hezkuntza
HeziketaNafarroako Unibertsitatea
Hizkuntzakgaztelania
Jarduerak
Jarduerakkazetaria eta idazlea

Bakarne Atxukarro Estomba (Irun, Gipuzkoa, 1974ko abuztuak 19) umeentzako istorioen idazlea (helduei begirako lanak argitaratzen ere hasi da) eta kazetaria da.

Biografia[aldatu | aldatu iturburu kodea]

Bakarne Atxukarro Estomba Irunen jaio zen 1974an eta orain Iruñean bizi da; bertan, Nafarroako Unibertsitatean ikasi eta Kazetaritzan lizentziatu zen. Ondoren, idaztea betidanik gustoko izan duenez, umeentzako hainbat liburu egin ditu.[1][2]

Bere buruari buruz[aldatu | aldatu iturburu kodea]

Bakarne Atxukarro, Asun Egurza, Izaskun Zubialde.webp

Bera nola den argi dauka: Komunikazioaren eta, oro har, kulturaren zale amorratua da. Esperientzia dauka prestakuntza eta dibulgazioan, komunikabideetan, testuen edizioan, marketinean, publizitatean, programazio kulturalean eta ekitaldien antolaketan. Historia, tradizioak eta mitologia ere interesatzen zaizkio, baita egunero gauza berriak ikastea ere. Bere lan profesionala alde batera utzita, haurrentzako eta gazteentzako ipuinak idazten ditu beste bi pertsonekin batera (bi crack-ekin haren esanetan). Euskal mitologiari buruzko eta emakumeei eta beste gai batzuei buruzko hamarretik gora liburu argitaratu ditu, Amazonen eta liburu-dendetan aurki ditzazkegunak. Euskalduna da eta euskaraz bizi da.[2]

Historian izan diren ezagutu beharreko emakumeen inguruan bi lan argitaratu ditu: Sarerik gabe eta Gizalabak. Bigarren honetan Euskalerria Irratian azken hiru denboralditan eginiko kolaborazioak bildu eta QR kodeen bidez testuak eta irratiko podcastak uztartu ditu.[3]

Jardunbide profesionala[aldatu | aldatu iturburu kodea]

1997az geroztik, hainbat komunikabidetan egin du lan, hala nola EGN Komunikazioan, Localia TVn eta Cope Navarran, bai erredakzio sailean, bai marketin eta publizitatean. 2007tik Nafarroako Barañain Auditorioko komunikazio arduraduna izan zen hamar urtez. Gaur egun Iruñerriko Mankomunitateko komunikazio bulegoan egiten du lan.

2014an, Izaskun Zubialderen (euskarazko testuetarako) eta Asun Egurzaren (ilustrazioetarako) laguntzarekin, haurrentzako euskal mitologiako ipuinak argitaratu zituzten: haurrentzako ipuin klasikoen bilduma - Euskal Mitologia. Haurrentzako ipuinak: euskaldun ipuin herrikoien bilduma, (CreateSpace IPp, 2014) egileek beren kabuz argitaratu eta Amazonen argitaratu zituzten bi liburuki digital, non hiru egunetan 12.000 bisita lortu zituzten. Liburuak deskargak izan zituen Txile, Mexiko, Estatu Batuak eta Alemania edo Asturias, Granada eta Errioxan. Proiektu hau eta gero, Haurrentzako ipuinak - Euskal mitologia haurrei kontatua (Txalaparta argitaletxea, 2015) Aitziber Alonsoren ilustrazioekin, garatu zen.

Oskarbi Kultur Elkartea 2016an sortu zen, Atxukarro honen burua delarik, eta Bidasoako eskualdeko hogei idazle inguruk osatzen dute, literatura sustatzeko asmoz.[4][5][6]

Obrak[aldatu | aldatu iturburu kodea]

  • El café de los miércoles. 2021. Helduentzat idatzi duen lehendabiziko eleberria, Erein argitaletxearen eskutik. [7]
  • Gizalabak, 2020.
  • Euskal mitologia: Haurrei kontatua (Txalaparta Editoriala, 2015) (gaztelerazko/ingelesazko bertsioa ere badu)
  • Euskal mitologia I. Haurrentzako ipuinak (Denonartea Editoriala, 2018) (gaztelerazko bertsioa ere badu)
  • Tartalo (Hualde Alfaro, Luis Enrique y Pascual Loyarte, Unai Editoriala, 2018)
  • Olentzero y Mari Domingi (Hualde Alfaro, Luis Enrique y Pascual Loyarte, Unai Editoriala, 2017) (euskarazko bertsioa ere badu)
  • Lekim, el niño cavernícola (Hualde Alfaro, Luis Enrique y Pascual Loyarte, Unai Editoriala, 2017)
  • Basajaun: El señor de los bosques" (Hualde Alfaro, Luis Enrique y Pascual Loyarte, Unai Editoriala, 2019)
  • Sin red: Historia en femenino (Hualde Alfaro, Luis Enrique y Pascual Loyarte, Unai Editoriala, 2017)

Esan beharra dago, Gizalabak liburua izan ezik (independentikoki argitarua izan zela inolako editorialik gabe), beste liburu guztiak Izaskun Zubialde Grajirena (idazlea) eta Asun Egurza Hernándezekin (ilustrazailea) idatzi dituela.[4][8]

Erreferentziak[aldatu | aldatu iturburu kodea]