Barentsburg

Barentsburg; Barentsburg
	hiria
	Barentsburg itsasaldetik Irudi gehiago
Administrazioa
Herrialdea	Norvegia
Eskualdea	Svalbard
Izen ofiziala	Barentsburg
Jatorrizko izena	Barentsburg
Geografia
Koordenatuak	78°03′54″N 14°12′58″E / 78.065°N 14.216°E
Azalera	2 km²
Altuera	179 m
Demografia
Biztanleria	471 (2015)
Dentsitatea	236 bizt/km²
Informazio gehigarria
Sorrera	1920ko hamarkada

Barentsburg (errusieraz: Баренцбург) Svalbard uhartedian (Norvegia) dagoen bigarren bigarren kokaleku handiena da. Errusiako Arktikugol enpresaren kokaleku meatzaria izanik, dituen 471 biztanleetatik^[1] gehienak errusiar eta ukrainarrak dira.

Geografia

Klima

Datu klimatikoak (Barentsburg)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	6.8	5.6	4.1	5.3	9.9	14.6	20.3	17.5	12.1	8.5	6.8	5.9	20.3
Batez besteko tenperatura maximoa (°C)	−9.1	−9.4	−9.4	-6.4	-1.1	4.0	8.4	7.2	2.9	−2.6	−5.1	−7.4	−2.3
Batez besteko tenperatura (ºC)	−12.1	−12.7	−12.4	−9.7	-3.3	2.2	6.0	5.1	1.0	−4.7	−7.6	−10.5	−4.9
Batez besteko tenperatura minimoa (°C)	−15.2	−15.7	−15.5	−12.1	-5.1	0.8	4.4	3.6	-0.4	−6.6	−10.1	−12.9	−7.1
Erregistraturiko tenperatura minimoa (°C)	−37.1	−39.3	−39.8	−31.3	−22.5	−9.2	-0.7	-3.5	−12.0	−27.1	−29.3	−37.3	−39.8
Pilatutako prezipitazioa (mm)	61	50	56	44	28	21	25	35	54	56	59	63	552
Euri egunak (≥ 1 mm)	2	1	2	1	3	10	17	16	12	4	3	2	73
Elur egunak (≥ 1 mm)	24	20	22	20	20	10	1	3	14	22	23	24	203
Hezetasuna (%)	77	77	77	77	79	81	81	82	81	77	77	77	79
Iturria: Pogoda.ru.net^[2]

Historia

Willem Barents esploratzaile herbeheretarraren izena daraman kokaleku hau, herbeherear meatzari herri modura sortu zen 1920ko hamarkadan^[3]. 1932an, errusiar estatuaren jabegoa den Arktikugol enpresari saldu zioten^[4] , eta ordutik berau da Barentsburg-eko jabe.

Ekonomia

Ikatz meatzaritza da kokalekuko jarduera ekonomiko nagusia, zeina nagusiki Ipar Europako erosleei saltzen zaien. Turismoa ere garapen bidean dago. Kokalekua Errusiaren menpe dago janaria, monetaz eta gainontzeko beharrez hornitzeko.

Estatus administratiboa

Nahiz eta Svalbard Norvegiaren jabetza izan, 1920ko Svalbardeko itunak, herrialde sinatzaileetako hiritarrei eskubide bera ematen die baliabide naturalak ustiatzeko. Errusia, Norvegiarekin batera, dira gaur egun Svalbard-en meatzaritzan aritzen diren herrialde bakarrak. Errusiar kontsulatua dago Barentsburgen, mundu osoan iparralderen dagoen egoitza diplomatikoa^[5]. Barentsburg-ek dena den, posta-helbide eta telefono zenbaki norvegiarrak ditu.

Azpiegiturak

Longyearbyen eta Barentsburg arteko distantzia 55 km-takoa da, baina ez dago bi kokalekuak lotzen dituen errepiderik. Bien arteko garraioa gehien bat itsasontziz, elur-motorrez eta helikopteroz egiten da. Heliportu bat dago Barentsburg-etik 4 km iparraldera (NAZE kodea: ENBA). Ikatza itsasontziz garraiatzen da. Portua Barentsburg erdian dago kokaturik.

Argazki galeria

Barentsburg airetik
Barentsburg itsasaldetik
Ikatzari monumentua
Errusiar kontsulatua
Barentsburg, kaietatik ikusita
Iparralderen dagoen munduko bigarren Leninen estatua (iparralderen dagoena Pyramidenen dago)
Ulitsa Ivana Starostina, kokalekuko kale nagusia.