Bateko urrea

Bateko urrea
Jatorria
Ezaugarriak
Deskribapena
Honen parte da	Arkano Txiki; Espainiar kartak; Italiar karta sorta
kronologia

Bateko urrea Arkano Txiki bat da tarot kartetan, eta ohikoa Espainiar karta sortan.

Urreak, normalki, pentakulu gisa identifikatzen dira taroteko karten kasuan. Europan ohikoa da karta-jokoetan erabiltzea, eta garrantzi bereziko karta da hainbat jokotan, adibidez txikira jokatzeko musean. Herrialde anglosaxoietan, non karten paloak ez diren berdinak, kartomantzian erabiltzen den karta bat da.

Erabilera kartomantzian[aldatu | aldatu iturburu kodea]

Kartomantzian, bateko urrea edo pentakuluaren iruditegian, txanpon handi bat esku-ahurrean da, hartzeko baliabideak dituenaren eskura. Interpretazioak ugariak izan daitezkeen arren, agertzen denean esaten da abagune berri bat, aberastasunari, negozioei eta agerpenari lotua, ezerezetik agertu eta bere distira guztian zugana hedatuko balitz bezala da. Alderantziz agertzen denean, ordea, aurrera egiteko tentuz ibiltzea proposatzen du^[1].

Karta honetan pasaia oparoa izaten da: belar berdez eta lili zuriz gainezka dagoen lorategia. Bide txiki batek arku batera darama, hostaila eta lore ederrez inguratua, eta, arkuaz harantzago, mendi tontorrak zeruertzean altxatzen dira. Irudi berde horrek adierazten du bere asmo profesional eta finantzarioetan aurrera egiteko unea iritsi dela. Pentakuluen Batak aukera hau ahalik eta gehien aprobetxatzera animatzen zaitu, bere egoera ugarienean dagoen bitartean.