Kintoa

Kintoa (gaztelaniaz Quinto Real edo País del Quinto eta frantsesez Pays Quint) Nafarroako iparraldean dagoen basoa da, nagusiki pagoek osatutakoa eta 4.100 hektarea baino gehiagoko azaleran zabaltzen dena, Iparraldeko Kintoa delakoan 2.510 hk. eta Hegoaldeko Kintoan 1.624 hk.

Historikoki jabetza dela-eta liskar ugariren sortzailea izan da mugako ingurune hau, abereak errege-erreginenak ziren mendietan ibiltzeko zerga sistemagatik. Hegoaldeko biztanleek ez zuten ordaindu behar, erroibartarrek alegia, baina Iparraldekoek edo Aldude, Urepele Baigorri aldekoek bai ordea. 1856an gaur egungo muga ezarri zuten Pirinio alde honetan, eta arazoa nolabait konpondu zuten.

Gaur egun mendi-mankomunitatea eratu dute eta Elizondon dute egoitza. Lindus (1.220 m) eta Izterbegi (1.027 m) mendiek mugatzen dute ingurunea.

Animaliak

Ezaguna da udazken aldian oreinak araldian daudenean arrek emeak erakartzeko egiten dituzten orroak.

Bestela, berriki "Kintoa xerria" izena hartu du Urepele aldeko bertako txerri arrazak, zuri-beltza dena.

Bibliografia

• "Baztan-Kintoa lurraldeko landaredi kormofitikoaren ikerketa: katalogo floristikoa". Arantza Aldezabal, Eusko Ikaskuntza. 1994.

Kanpo loturak

• "Kintoa, mendi multzoa baso ederrez estalia"
• Kintoa xerriaz