Hanami

Hanami jai bat.

Hanami Ueno parkean

Hanami (japonieraz: 花見, eusk. "loreak ikusi") loreen edertasuna ikustean datzan japoniar ohitura da, baina, oro har, hitz hau, gereziondoak loratzen diren eta, japoniarrak, masiboki, parke eta lorategietara, loratutako gereziondoak ikustera joaten diren garaiarekin lotzen da. Martxoaren amaieratik apirilaren hasiera arte, gereziondoak, Japonia osoan loratzen dira, hegoaldetik iparraldera, eskualde ezberdinetako klima ezberdinen arabera. Urteko lehen gereziondoak, Okinawa uharteetan (hegoaldereneko tokia) loratzen dira, urtarrilean, eta, azkenak, Hokkaido uhartean (iparralderenekoa).

Loratzearen iragarpena (sakurazensen (japonieraz: 桜前線) ) urtero iragartzen du meteorologia bulegoak. Ospakizun honetan, jendea, parkeetara joaten da, gereziondo loratuak ikustera, eta, ohi, piknik bat eginez, familia edo enpresarekin (ohikoa da enpresetako langileak, egun asko lehenago, gereziondoen azpiko tokirik hoberenak gordetzen ikustea). Hanamiak, gauean jarraitzen du eta yozakura (japonieraz: 夜桜, eusk. "gereziondoak gauez") deitzen dute.

Toyo Itok, japoniar arkitekto ospetsua, bere haurtzaroko gertakari hau, arkitektura egiteko modurik erraz eta ederrena bezala katalogatuz gogoratzen zuen, gereziondoen itzalpean zeuden mahai oihal handien bidez.

Hanamiaren toki tradizionalak

Tokion:

• Ueno parkea, Shinjuku Gyoen, Chidorigafuchi, Sumida koen, Aoyama hilerria, Koishikawa korakuen, Inokashira

Yokohaman:

• Kamonyama parkea, Sankeien

Kioton:

• Maruyama, Heian santutegia, Arashiyama, Kamogawa, Daigoji tenplua

Ikus, gainera

• Yoshino gereziondoa

Wikimedia Commonsen badira fitxategi gehiago, gai hau dutenak: Hanami