Tisseranden parametro

Mekanika zelestean, Tisseranden parametroa hiru gorputzen probleman erabiltzen den balio bat da. François Félix Tisserand astronomo frantsesetik datorkio bere izena eta horrela adierazten da:

$T={\frac {a_{2}}{a_{3}}}+2\cdot {\sqrt {{\frac {a_{3}}{a_{2}}}(1-{e_{3}}^{2})}}\cos {i_{3}}$

Parametro honetako ${a_{2}}$-a bigarren gorputzaren orbitaren ardatzerdi handia da, $a_{3}$,${e_{3}}$eta ${i_{3}}$-k ordea, hirugarren gorputzaren ardatzerdi handia, eszentrikotasuna eta makurdura adierazten dute, hurrenez hurren.

Tisseranden irizpidea bigarren gorputzak orbita biribila duela eta hirugarren gorputzak beste gorputzekiko masa infinitesimal bat duela adierazten digun hipotesiarekin loturik dago. Esan ditugun baldintzak betetzen badira, parametroa konstante mantentzen da bigarren gorputzak hirugarrenari perturbazioak eragiten badizkio.

Aplikazioei dagokienez, parametroa konstante mantentzen ez bada erabilera oso mugatua du. Asteroide, kometa edo planeten inguruan orbitatzen duten satelite artifizialei eragiten dieten perturbazioetan aplikatzen da.

Aplikazio praktikoak

• Jupiter bigarren objektu gisa hartuta, bere inguruan orbitatzen duten asteroideak kometengandik desberdindu daitezke.
• Parametro honen beste erabilera nagusi bat, bi behaketa desberdin gorputz berdinari egindakoak diren ebaluatzea da.
• T_N (Neptuno bigarren objektu gisa hartuta Tisseranden parametro kalkulatua) transneptunotar objektuak disko sakabanatutik desberdintzeko erabiltzea proposatu da.
• Parametroaren errespetua, asistentzia grabitazionalaren bitartez ezarri daitezkeen orbitak mugatzeko erabiltzen da.

Ikus, gainera

• Mekanika zelestea
• Astrodinamika
• Astronomia
• Transneptunotar objektuak

Kanpo loturak

• Tisseranden parametroa azaltzen duen artikulua (Ingelesez)
• Asistentzia grabitazionalaren kalkuluaren adibidea (Ingelesez)