Hipertiroidismo

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Hipertiroidismo
Deskribapena
Mota	gaixotasun tiroidea eritasuna
Espezialitatea	endokrinologia
Asoziazio genetikoa	Zerrenda TSHR (en)
Tratamendua
Erabil daitezkeen botikak	iopanoic acid (en) , Tiamazol eta propylthiouracil (en)
Identifikatzaileak
GNS-10-MK	E05.9
GNS-9-MK	242.90
OMIM	603373 eta 609152
DiseasesDB	6348
MedlinePlus	000356
eMedicine	000356
MeSH	D006980
Disease Ontology ID	DOID:7998

Hipertiroidismoa tiroide guruinaren gehiegizko jarioa da. Normalean hipertrofiarekin batera izaten da. Hainbat eritasunek sortzen dute eta takikardiak, pisu-galtzea, urduritasuna eta dardarak dira sintoma nagusiak.

Fisiopatologia

Tiroide guruinak bi hormona jariatzen ditu: tiroxina (T4) eta tri-iodotironina (T3). Biek ala biek iodo dute beren molekuletan, eta tirosina aminoazidotik sortzen dira.

Bi hormona horiek prozesu katabolikoak sustatzen dituzte, eta organismoaren hazkuntzan ere eragin nabarmena dute. Energia sortzen duten oxidazio-prozesuak aktibatzen dituzte. Horregatik, hormona horien gehiegizko ekoizpenak (hipertiroidismoan gertatzen dena) oxigenoaren kontsumo handia eta beroaren sorrera -katabolismoaren ondorioz- eragiten ditu.

Sintomak

• Tiroide guruinaren garapen handia, lepoaren hantura eragiten duena.
• Pisu-galera
• Beroaldiak eta beroarekiko intolerantzia (prozesu katabolikoen azkartzearen ondorioz)
• Nerbio-sistemaren tentsioa, antsietatea, suminkortasuna
• Bihotzaren eta arnas-aparatuaren jardueraren aktibazioa: bihotz-maiztasuna areagotzen da eta adrenalinaren gaindosiak sortuko lituzkeen antzeko sintomen agerpena, orokorrean.

Etiologia

• Gravesen eritasuna: Euskal Herrian hau da hipertiroidismoaren kausa nagusia. Gaixotasun autoimmunea da.
• Tiroide guruinaren tumoreak
• Tiroide guruinaren hantura, infekzio baten ondorioz edo hartutako botika batzuen ondorioz

Diagnostikoa

Gaitza hormona tiroideoen odol-kontzentrazioa aztertuz diagnostikatzen da.

Tratamendua

Tratamenduari dagokionez, farmakologikoa (metimazola, propiltiouraziloa...), kirurgikoa (tiroide guruina erauzteko) edo iodo erradioaktiboaren bidez (tiroide guruina deusestatzeko) aplikatu daitezke.

Kanpo estekak

• Datuak: Q16499
• Multimedia: Hyperthyroidism / Q16499