Belabarze

Belabarze
Mota	haran
Geografia
Koordenatuak	42°52′39″N 0°52′06″W
Herrialdea	Euskal Herria
Foru erkidego	Nafarroa Garaia
Udalerria	Izaba

Belabarze edo Belabartze Nafarroa Garaiko ibar txiki bat da, Belabarze ibaiaren bideari jarraituz.

Ibarra Erronkaribar ibaxaren ekialdeak osatzen dute.

Deskribapena

Luzetara, Izabako ipar-ekialdean dago. Erronkaribarreko burualdea Oskako probintziako Berari ibarrekin komunikatzen du. Hegoaldeko muga Ezkaurre (2047 m) kareharri eozenikoen antiklinala da, eta iparraldekoa flysch eozenikoan modelatutako erliebe sorta bat; horien artean, Murua (1243 m), Igardakua (1507 m) eta Iturriburua (1595 m) haitzak nabarmentzen dira. Bi litologien artean, Belabarze ibaiak ibarraren hondoa estaltzen duten kretazikoko margetaraino induskatu du.

Klima

Klima aldatu egiten da mendialdeko azpimediterraneoaren eta azpiatlantikoaren artean, esposizioen arabera, eta prezipitazio handiak eta neguko innibazioa ditu ezaugarri, baita erregimen termiko zorrotza ere neguan eta leuna udan. Bere isurialdeetan baso trinkoak daude, pinu basatiak (egutera) eta izeiak dituzten pagadiak (laiotza). Nekazaritza-aprobetxamendua ibarraren hondora mugatzen da; bertan, sega-belardiak eta patata landatzeko zenbait zelai daude.

Erreferentziak

• Nafarroako Entziklopedia Handia | BELABARZE. (Noiz kontsultatua: 2022-02-24).

Ikus gainera

• Belabarze ibaia

Kanpo estekak

• Datuak: Q12254937