Luis Rojas-Marcos

Luis Rojas-Marcos
	; Irudi gehiago
Bizitza
Jaiotza	Sevilla, 1943ko abuztuaren 27a (80 urte)
Herrialdea	Espainia
Familia
Anai-arrebak	ikusi Alejandro Rojas-Marcos;
Hezkuntza
Heziketa	Sevillako Unibertsitatea ; Euskal Herriko Unibertsitatea ; New Yorkeko Unibertsitatea
Hezkuntza-maila	doktorea
Hizkuntzak	gaztelania
Jarduerak
Jarduerak	unibertsitateko irakaslea, psikiatra eta idazlea
Enplegatzailea(k)	New Yorkeko Unibertsitatea
Jasotako sariak	ikusi Andaluziako domina (1996) ; Order of Arts and Letters (2010) ; Saiakeraren Espasa Saria (1995) ; honorary doctorate of the University of Burgos (2015) ;

Luis Rojas-Marcos de la Viesca (Sevilla, 1943ko abuztuaren 27a) Ameriketako Estatu Batuetako herritarra den psikiatra, ikerlaria eta idazle ospetsua da. Alejandro Rojas-Marcos espainiar politikariaren anaia da.

Biografia[aldatu | aldatu iturburu kodea]

Sevillan jaio eta, nahiz eta ikasteko arazoak izan (Arreta Galeragatiko eta Hiperaktibitateagatiko Asaldura), bertako unibertsitatean medikuntza-baimena lortu zuen. Musika ikasi zuen eta, egun, hainbat musika-tresna jotzen du, batez ere bateria. 1968an New Yorkera joan zen han psikiatria ikasteko eta, halaber, Espainian garai hartan zegoen giro familiar eta politikotik ihes egiteko. Euskal Herriko Unibertsitateko (1975) eta New Yorkeko Unibertsitateko (1977) doktorearen tituluak lortu zituen. New Yorkeko Unibertsitatean psikiatria irakaslea da. New Yorkeko Medikuntza Akademiaren eta Osasun Publikoaren Elkarte Amerikarraren kidea da. 1982tik 1992ra arte New Yorkeko Udal Ospitale Sistema Psikiatrikoaren zuzendaria izan zen. 1995 arte New Yorkeko Osasun Mentalaren, Alkoholismoaren eta Drogamenpekotasunen zerbitzuen arduradun nagusia izan zen. 1995an hiriko Ospitale Publikoen Sistemaren lehendakaria izendatu zuten; sistema horretan 16 erietxe eta hiriko osasun-etxeen sare osoa zegoen. Langune horretatik 2001eko irailaren 11ko atentatuak ezagutu zituen. 2002an azken langune hori utzi zuen. Hortik aurrera praktika klinikoa baztertu zuen idazteko eta irakasteko.

Sariak[aldatu | aldatu iturburu kodea]

1996ko otsailaren 23an, zilarrezko Andaluziako Domeina eman zitzaion.^[1] 2010ean, bestetik, Espainiako Ministroen Kontseiluak Espainiako Arteen eta Letren Ordena eman zion. 2014ko maiatzean, Euskal Herriko Unibertsitateak Honoris Causa Doktorea izendatu zuen.^[2]

Liburu ezagun batzuk[aldatu | aldatu iturburu kodea]

Psikiatriari buruzko lan ugari argitaratu ditu. Halaber Estatu Batuetako eta Espainiako hedabide askotan idazten du. Hona hemen bere liburu ezagunenak.