Bilbao Football Club

Bilbao Football Club
Sorrera	1900
Desagerpena	1903ko martxoaren 24a
Futbol zelaia	Lamiako

Bilbao Football Club Bilboko futbol taldea zen, 1900 eta 1903 artean iraun zuena.

Historia

Futbola Bilbora itsasontziz iristen ziren merkatari ingelesen eskutik XIX. mendearen amaieran iritsi zen Bizkaira. XIX. mendeko azken hamarkadan, futbolaren sukarra Bizkaitik hedatu zen, eta laster sortu zen lehen kluba: Athletic hain zuzen ere. Bi urte geroago, 1900. urtearen amaieran, José Luis Villabasok eta beste talde batek Algortan Bilbao Football Club sortu zuten. Laster lehia sortuko zen Bilboko bi taldeen artean, Lamiakoko zelai inprobisatuan jokatzeko txandakatzen zirenak, eta aldi berean errenta-gastuak partekatzen zituztenak. Bilbaoren berezitasunetako bat, Athleticena ez bezala, jokalari gehienak britainiarrak zirela zen. Athleticek, berriz, atzerritar bakarra zuen (britainiar herritartasuna zuena).

1902ko martxoaren 9an, bi taldeek konbinatu bat osatu zuten -Bizcaya- Burdigala frantziarraren aurka Bordelen jokatzeko. Bizkaitarrek 2-0 irabazi zuten.

Hilabete amaieran, Burdigalak bisita itzuli zuen, Lamiako zelaian Bizcayaren aurka jokatuz. Partida honek ikusmin handia piztu zuen, 3.000 zale inguru erakarriz, oso kopuru handia garai hartarako. Bizcayak frantziarrak 7-0 menderatu zituen.

Bilbao FCren eta Athleticen arteko lehiaren ondorioz, lagunarteko partida antolatu zuten. Partida bana emaitzarekin bukatu zen eta ikusmin handia piztu zuen. Horregatik beste partida bat antolatzea erabaki zuten, baina oraingoan sarrera 30 zentimoko prezioan kobratuz (hura izan zen Bizkaian ordainpeko partida bat egiten zen lehen aldia). Errebantxa partida, 1902ko maiatzak 19an jokatu zuten eta berriro bana berdinketaren emaitzarekin amaitu zen.

Bilbao F.C. taldeak ez zuen inoiz lehiaketa ofizialik jokatu, baina Athletic eta Bilbao berriz ere Bizcaya izenarekin elkartu ziren Espainiako lehen futbol txapelketa nazionalean parte hartzeko: 1902ko maiatzaren 15ean antolaturiko Koroatzearen Kopa hain zuzen ere. Bizcayak garaikurra eskuratu zuen, eta, azken finean, Athleticen eskuetan amaituko zuena.

Honen ondoren, Bilbao FCko jabeak, bere taldearekiko interesa galtzen hasi ziren. 1902 urtearen amaieran, klubak nolabaiteko krisi instituzional baten ondorioz igaro zuen. 1903. urtearen hasieran, Carlos Castellanos Bilbao FCko presidenteak kluba desegiteari oniritzia eman zion. Athletic Clubek Bilbao FC xurgatu zuen, bazkideak barne. Hala, 1903ko martxoaren 24an, Athletic Clubek Bilbao F.C. behin betiko bereganatu zuen.^[1]

Presidenteak

José Luis Villabaso (1900tik aurrera)
Carlos Castellanos y Jacquet (1903 baino lehen)

Erreferentziak

↑ Sáiz Valdivieso, Alfonso Carlos. (1998). Athletic Club, 1898-1998 : Crónica de una leyenda. León: Everest S.A, 235 or. ISBN 84-241-9528-0. OCLC .40463940.

Kanpo estekak

Datuak: Q5728541

[1] Sáiz Valdivieso, Alfonso Carlos. (1998). Athletic Club, 1898-1998 : Crónica de una leyenda. León: Everest S.A, 235 or. ISBN 84-241-9528-0. OCLC .40463940.

[1]