Bolesława Lament
| Bolesława Lament | |
|---|---|
 | |
| Bizitza | |
| Jaiotza | Łowicz, 1862ko uztailaren 3a |
| Herrialdea |  Errusiar Inperioa Poloniako Bigarren Errepublika  Polonia |
| Bizilekua | San Petersburgo |
| Heriotza | Bialystok, 1946ko urtarrilaren 29a (83 urte) |
| Hobiratze lekua | Shrine of Blessed Bolesława Lament in Białystok (en)  |
| Hezkuntza | |
| Hizkuntzak | poloniera errusiera |
| Jarduerak | |
| Jarduerak | moja |
| Santutegia | |
| Urtarrilaren 29 | |
| Sinesmenak eta ideologia | |
| Erlijioa | Erromatar Eliza Katolikoa |
Bolesława Maria Lament (Łowicz, 1862ko uztailaren 3a – Białystok, 1946ko urtarrilaren 29a) poloniar moja katolikoa izan zen, Familia Santuaren Ahizpa Misiolarien kongregazioaren sortzailea[1].
Bizitza[aldatu | aldatu iturburu kodea]
Bolesława Maria Lament 1862an jaio zen Łowiczen, Marcin Lament eta Łucja Cyganowskaren familian, zortzi seme-alabetatik zaharrena[1]. Fede katolikoaren ukazio etengabeko giroan hezi zen, eta askotan diskriminatu zuten erlijioagatik[2]. Varsovian jostun moduan trebatu zen, eta Łowiczera itzuli zen Stanisława ahizparekin jostun-denda bat irekitzeko. 1884an, moja egitea erabaki zuen, eta Mariaren Familiaren kongregazioan sartu zen. 1893an, betiko botoak baino lehentxeago, zalantzan jarri zuen bere bokazioa eta etxera itzuli zen[1].
Etxerik gabeko pertsonak zaintzen aritu zen, eta Varsoviara joan zen, hamarkada batez. Han beste jostun-denda bat ireki zuen Maria ahizparekin. Aita kolera-epidemia batean hil zen 1894an, eta Bolesławak familian arduratu behar izan zuen[1]. 1900ean nebaren heriotzak komentura itzultzeko nahia piztu zuen, eta hilkutxaren aurrean erlijio-bizitzara itzultzeko hitza eman zuen[3].
1905eko urrian, beste emakume batzuekin eta Felice Wiercinski jesuitarekin erlijio-kongregazio bat sortu zuen kristau-batasuna sustatzeko, pobreei laguntzeko eta neskei kristau-bizitzari buruz irakastea. Kongregaio hori Polonian bizkor hedatu zen. 1907an San Petersburgora joan zen Errusian ordena zabaltzeko[1].
Lehen Mundu Gerrak eta Errusiako Iraultzak kristau guztien jazarpena ekarri zuten, eta 1921ean, Bolesława Poloniara itzultzera behartu zuten. 1941ean paralizatuta geratu zen, eta hurrengo bost urteak ohean etzanda eman behar izan zituen. 1946an hil zen, eta Ratowoko komentuko San Antonio elizan hobiratu zuten[1].
Beatifikazioa[aldatu | aldatu iturburu kodea]
1991ko ekainaren 5ean, Joan Paulo II.a aita santuak dohatsu izendatu zuen Białystoken. Bolesława Maria Lament dohatsuaren eguna urtarrilaren 29an ospatzen da[3].
Erreferentziak[aldatu | aldatu iturburu kodea]
- ↑ a b c d e f (Ingelesez) «Blessed Bolesława Maria Lament» CatholicSaints.info (Noiz kontsultatua: 2024-01-21).
- ↑ (Ingelesez) «Life» Missionary Sisters of the Holy Family (Noiz kontsultatua: 2024-01-21).
- ↑ a b (Italieraz) Pettiti, Gianpiero. «Beata Boleslava Maria Lament, Fondatrice» Santi e Beati 2009-07-19 (Noiz kontsultatua: 2024-01-21).
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q456721
Multimedia: Bolesława Lament / Q456721