Bronisława Dłuska

Bronisława Dłuska
Irudi gehiago
Bizitza
Jaiotzako izen-deiturak	Bronisława Skłodowska
Jaiotza	Varsovia, 1865eko martxoaren 18a
Herrialdea	Poloniako Bigarren Errepublika
Heriotza	Varsovia, 1939ko apirilaren 15a (74 urte)
Hobiratze lekua	Powązki hilerria
Familia
Aita	Władysław Skłodowski
Ama	Bronisława Skłodowska
Ezkontidea(k)	Kazimierz Dłuski (en)  (1890 -  1930)
Seme-alabak	ikusi Helena Dłuska (en)
Haurrideak	ikusi Helena Skłodowska-Szalay (en) Józef Skłodowski Marie Curie
Familia	ikusi Irène Joliot-Curie (sororal niece (en) ) Ève Curie (sororal niece (en) ) Pierre Curie (ahizpa edo arrebaren senar)
Leinua	House of Skłodowski (en)
Hezkuntza
Heziketa	Transilvania University of Brașov (en)
Hizkuntzak	poloniera
Jarduerak
Jarduerak	ginekologoa, onkologoa eta medikua
Jasotako sariak	ikusi Złoty Krzyż Zasługi  (1930eko martxoaren 6a) Medal of Independence  (1938ko ekainaren 27a) Commander of the Order of Polonia Restituta  (1937ko azaroaren 11)

Bronisława Dłuska —jaiotzako abizenez, Skłodowska— (Varsovia, Batzarreko Polonia, 1865eko martxoaren 18a - Varsovia, Poloniako Bigarren Errepublika, 1939ko apirilaren 15a) medikua izan zen. Varsoviako Onkologiako Maria Skłodowska-Curie Institutuaren sortzaileetako bat eta lehenengo zuzendaria izan zen. Ahizpa gazteagoa zuen Marie Curie.

Bizitza

Bronisława 1865eko martxoaren 28an jaio zen Varsovian, garai hartan Errusiar Inperioaren mende zegoen Batzarreko Polonian. Gurasoak, Władysław Skłodowski eta Bronisława Skłodowska, maisu-maistrak ziren. Bost senideren artean bigarrena izan zen, hiru ahizpa —Zofia (1862-1876), Helena (1866 -1961) eta Maria (1867-1934)— eta neba bat —Jozef (1863-1937)— izan baitzituen. Aitaren eta amaren aldetik, familiak ondasunak eta aberastasunak galdu zituen, Poloniaren independentzia berrezartzeko Poloniako altxamendu nazionaletan (berriena 1863-1865 bitarteko Urtarrileko Altxamendua izan zen). Horrek borroka zaila utzi zion ondorengo belaunaldiari, bizitzan aurrera egiteko.

Ama tuberkulosiak jota hil zen, 1878an, eta Powazki hilerrian lurperatu zuten. 1876an, Zofia, Bronisławaren arreba, tifusak jota hil zen.

13 urterekin, 1878an, Bronisławak eta Mariak Helena arreba eta Jozef anaia zaindu zituzten.

1882an, Bronisława bigarren hezkuntzan graduatu zen, urrezko dominarekin. Emakumeak onartzen ez zituzten goi mailako ikastetxeetan ikasi ezinik, klandestinitateko Unibertsitate Ibiltarian sartu zen, etorkizuneko ikasketak finantzatzeko tutoretzak egiteko. 19 urterekin, Parisa joan zen, eta han medikuntza ikasi zuen Sorbonan. Bere ahizpa Mariak diruz lagundu zion; izan ere, adostu zuten Mariak Bronisławari medikuntza ikasketak egiten lagunduko ziola, eta trukean Maria Parisa ikastera joango zenean antzeko laguntza emango ziola Bronisławak.

1890. urtean, Bronisława Ginekologia eta Obstetrizian graduatu zen, eta poloniar erbesteratu politiko batekin ezkondu zen, Kazimierz Dłuski medikuarekin. Bikotea bertako komunitatean lanean aritu zen; klinika mediko bat zuzentzen zuten, bezeroetako asko langileak eta haien familiak izanik, eta bikotearen apartamentuak kultur areto gisa funtzionatzen zuen poloniar erbesteratuentzat, etorkinentzat eta atzerriratuentzat.

1891n, Bronisławak bere ahizpa Mariari behin eta berriz eskatu eta gero, Maria etxean hartu zuen bikoteak, Sorbonan Fisikako ikasketak has zitzan. Maria denbora batez bizi izan zen haiekin, harik eta unibertsitatetik hurbilago zegoen ganbara bat alokatu zuen arte.

Bronisławak eta Kazimierzek alaba bat izan zuten, Helena, 1892an; eta seme bat, Jakub, urte batzuk geroago.

1939an, Bronisława berez hil zen, 74 urte zituela.

Kanpo estekak

• Datuak: Q8861061
• Multimedia: Bronisława Dłuska / Q8861061