Bustintegi erreka

Wikipedia, Entziklopedia askea
Bustintegi erreka
Bustintegi erreka 1.jpg
Datu orokorrak
Luzera3 km
Geografia
Koordenatuak43°01′25″N 2°29′39″W / 43.0235354°N 2.4940306°W / 43.0235354; -2.494030643°01′25″N 2°29′39″W / 43.0235354°N 2.4940306°W / 43.0235354; -2.4940306
Herrialdea Euskal Herria
Probintzia Gipuzkoa
EskualdeaDebagoiena
UdalerriaAretxabaleta

Bustintegi erreka Gipuzkoako hegoaldeko ibaia da, Deba ibaiaren adarra. Kurtzebarri mendiaren ipar-mendebaldeko magaleko urak jasotzen ditu eta Aretxabaletako Bainuetxe auzoan egiten du bat Deba ibaiarekin.

Izena[aldatu | aldatu iturburu kodea]

Bustintegi erreka izena ez da oso ezaguna aretxabaletarren artean eta zatika dituen izenak erabiltzen dira gehiago. Goikaldean Arientzako erreka esaten zaio, erdialdean Sarriko erreka eta Olatzako zubitik aurrera Olatzako erreka.

Deskribapena[aldatu | aldatu iturburu kodea]

Areantza auzoan du jatorria[1] eta 3 kilometro inguruko luzera du. Erreka estua da eta landaretza ugaria du ertzetan. Errekaren amaiera aldera hainbat baratze txiki aurkitzen dira ertzean. Azken metroetan kanalizaturik aurkitzen da, Copreci lantegiaren eta Bainetxe industriguneko enpresen artean egiten baitu ibilbidea. Deba ibaiak eskumaldetik jasotzen du Bustintegi erreka.

Antzina urets iturri bat izan zen bertan, duela urte gutxi arte iraun duena, eta XIX. mendearen erdialdera haren inguruan eraikitako Ibarrako Bainuetxea nolakoa zen erakusten zuen panel bat zegoen alboan[2]. Gaur egun ordea estalita dago.

Bidegorria Urkulura[aldatu | aldatu iturburu kodea]

Urkulura doan bidea, eskuman Bustintegi ibaia duela.

Bustintegi errekaren ertzetik oinezkoentzako eta txirrindularientzako bidea dago Urkuluko uharkara eramaten duena[3]. Bainuetxeko bidegorria izenaz ezagutzen da, eta antzinako Otala Zelaiko bidea ordezkatu du, izan ere malda nabarmen txikiagoa baita. Hartxintxarrezko pista da[4][5].

Eleizgarai bidearen (PR-Gi 97) parte da.

Erreferentziak[aldatu | aldatu iturburu kodea]

  1. «Bustintegi, Gipuzkoa, Basque Country, Spain» es.geoview.info (Noiz kontsultatua: 2021-11-08).
  2. «Uretsen bidea» www.aretxabaleta.eus (Noiz kontsultatua: 2021-11-08).
  3. (Gaztelaniaz) «Embalse de Urkulu, naturaleza pura y deportes al aire libre» Barceló Experiences (Noiz kontsultatua: 2021-08-27).
  4. (Gaztelaniaz) «Arrasate-Urkuluko urtegia bidegorritik» Wikiloc | Rutas del Mundo (Noiz kontsultatua: 2021-11-08).
  5. (Gaztelaniaz) «Arrasate,Aretxabaleta,Urkulu,Aretxabaleta,Arrasate» Wikiloc | Rutas del Mundo (Noiz kontsultatua: 2021-12-05).

Kanpo estekak[aldatu | aldatu iturburu kodea]