Captains Courageous (filma)
| Datuak | ||
|---|---|---|
| Jatorrizko izenburua | Captains Courageous | |
| Izenburua euskaraz | Kapitain Kuraiatsuak | |
| Urtea | 1937 | |
| Generoa | Abenturak | |
| Herrialdea |  AEB |
|
| Iraupena | 115 minutu | |
| Banatzailea | Metro-Goldwyn-Mayer | |
| Zuzendaria | ||
| Victor Fleming | ||
| Gidoilariak | ||
| John Lee Mahin Marc Connelly Dale Van Every |
||
| Aktoreak | ||
| Freddie Bartholomew (Harvey) Spencer Tracy (Manuel) Lionel Barrymore (Disko) Melvyn Douglas (Cheyne Jauna) Mickey Rooney (Dan) John Carradine (Long Jack) Charley Grapewin (Osaba Salters) Oscar O'Shea (Cushman) Jack LaRue (Apaiza) Walter Kingsford (Finley Sendagilea) Donald Briggs (Tyler) Sam McDaniels (Doc) Billy Burrud (Charles) |
||
| Musikagileak | ||
| Franz Waxman Abestiak: F. Waxman (musika) Gus Kahn (hitzak) |
||
| Jatorrizko hizkuntza | ||
| ingelesa | ||
| Sariak | ||
| Gizonezko aktore onenaren Oscar Saria (Spencer Tracy) |
||
| Datu gehigarriak | ||
| IMDBko fitxa irakurgai | ||
Captains Courageous (euskaraz Kapitain Kuraiatsuak) 1937ko Victor Flemingek zuzendutako filma da eta izenburu berdineko Rudyard Kiplingen kontakizunean oinarritzen da. Filma hau Louis D. Lightonek ekoiztu zuen, Spencer Tracy eta Freddie Bartholomew antzezle nagusiak izan zirelarik.
1937ko Gizonezko aktore onenaren Oscar Saria (Spencer Tracy) irabazi zuen.
Argumentua[aldatu | aldatu iturburu kodea]
Harvey Cheyne (Freddie Bartholomew) hamar urtetako ume aberats, gezurti eta mainontzia da. Ikasketak burutzen dituen ikastetxean bere gizarte mailaz baliatzen da berak nahi dituen gauzak edozein bidez lortzeko. Azterketa errazago bat jarri ziezaion maisu bat erosi edo kopiatu nahian harrapatzen dutenean zigorra jaso eta gainontzeko ikasleen mespretxua bereganatuko du. Ordurarte bere negozioez arduratuagoa zegoen aitak (Melvyn Douglas) semearen jokabide okerraz kezkaturik eta hura aldatu nahian berarekin Londreserako bidaian itsasontziz eramango du.
Aita-semeak itsasontzian doazela, Harveyk bat-bateko istripu bat izan, itsasora erori eta Manuel Fidello (Spencer Tracy) portugaldar arrantzaleak bere txalupan jasoko du. Honek haurra We're Here ("Hemen Gaude") goletara eramango du, arrantzontzi hau Disko Troop (Lionel Barrymore) itsas otso zaharrak kapitantzen du. Han Harveyk nahi ala ez ontzia portura itzuli bitartean hiru hilabete igaro beharko ditu.
Denboraldi horretan zehar Harveyk Manuel beregan arretatsua izan ez zen aitarekin ez bezala benetazko bizitza nolakoa den ikasi eta ume kexati eta gaizki hezitu bat izatetik gazte arduratsu eta langile bat izatera bilakatuko da. Baina zoritxarrez Manuel bapateko itsas istripu batean hilko da. Harvey bere aitarekin itzuliko da eta azken honek Manuelek bere semearen bihotzean utzi duen hutsunea betetzen saiatuko da.
Aktoreak[aldatu | aldatu iturburu kodea]
- Freddie Bartholomew: Harvey Cheyne
- Spencer Tracy: Manuel Fidello
- Lionel Barrymore: Disko Troop kapitaina
- Melvyn Douglas: Frank Burton Cheyne
- Charley Grapewin: Osaba Salters
- Mickey Rooney: Dan Troop
- John Carradine: Long Jack
- Oscar O'Shea: Walt Cushman kapitaina
- Jack La Rue. Apaiza (Jack LaRue gisa)
- Walter Kingsford: Finley medikua
- Donald Briggs: Bob Tyler
- Sam McDaniel: "Doc" (Sam McDaniels gisa)
- Bill Burrud: Charles Jamison (Billy Burrud gisa)
Kanpo loturak[aldatu | aldatu iturburu kodea]
- Captains Courageous filmaren iragarkia ikusgai. Youtube.com (Ingelesez)
- Captains Courageous filmaren IMDBko fitxa irakurgai (Ingelesez)
