Christian Geissler

Wikipedia, Entziklopedia askea
Hona jauzi: nabigazioa, Bilatu
Christian Geissler
Christian Geissler (Portrait auf einem Porzellanbild).jpg
Bizitza
Jaiotza Hanburgo1928ko abenduaren 25a
Herrialdea  Alemania
Heriotza Hanburgo2008ko abuztuaren 26a (79 urte)
Hezkuntza
Hizkuntzak alemana
Lanbidea
Lanbidea kazetaria eta idazlea
Jasotako sariak
IMDb nm0312081
Christian Geisslerren hilobia, Ditzumerverlaat (Rheiderland).

Christian Geissler (Hanburgo, Alemania, 1928ko abenduaren 25a - 2008ko abuztuaren 26a) alemaniar idazlea izan zen.

Biografia[aldatu | aldatu iturburu kodea]

Teologia- eta psikologia-ikasketak egin zituen. 1953an katolizismora bihurtu zen, baina 1962an uko egin zion.

1965-1968 bitartean, Kürbiskern literatura aldizkariko editore kide izan zen. 1960ko hamarraldian, militante gisa, armak desagertzeko kanpainetan eta manifestazioetan parte hartu zuen. 1973an, Errepublika Federaleko presoen gorputz zigorraren aurkako batzordea sortu zuen.

Bere lehenengo eleberrian bertan Anfrage (1960, Galdera), Geisslerrek bere literatura produkzioan etengabe agertu den gai bati heldu zion: banakoaren jokabidea injustiziez betetako garai batean. Bere hurrengo eleberrian, Das Brot mit der Feile (1973, Ogia limarekin), aginpidea dutenen harrotasuna deskribatu zuen. Hurrengoan, Wird Zeit, dass wir leben (1976, Bizi gaitezen ordua da), jatorri desberdineko pertsonek elkartasun ekintza bat egiten dute nazionalsozialisten preso bat askatzeko.

1980ko hamarraldiaren hasieran, bere lehenengo poemak hermetikoak eta idorrak argitaratu zituen, gai berari baina bide estetiko desberdinetatik heldu nahi ziola erakutsiz. Beste lan batzuk: Kalte Zeiten (1965, Garai hotzak), Ende der Anfrage (1967, Galderaren amaia), Kamalatta (1988).

Erreferentziak[aldatu | aldatu iturburu kodea]