El Hombre y la Tierra

El Hombre y la Tierra
Jatorria
Jatorrizko hizkuntza	gaztelania
Jatorrizko herrialdea	Espainia
Sasoi kopurua	3
Atalak	124
Ezaugarriak
Genero artistikoa	telebista dokumentala
Hizkuntza	gaztelania
Zuzendaritza eta gidoia
Zuzendaria(k)	Félix Rodríguez de la Fuente
Emanaldia
Jatorrizko igorlea	La 1
Hasiera-data	1974ko martxoaren 4a
Amaiera-data	1981eko ekainaren 20a

El Hombre y la Tierra^[1] naturari buruzko telesaila izan zen, Televisión Españolak ekoitzia eta Félix Rodríguez de la Fuente naturalistak zuzendua. 1974ko martxoaren 4tik 1981eko ekainaren 20ra eman zuten originalki.

Serie hau erreferentziazko lana da naturari buruzko dokumentaletarako, bai Espainian bai beste toki batzuetan. Garai hartan, dokumentazio-modu berri bat inauguratu zuen.ç

Ekoizpena[aldatu | aldatu iturburu kodea]

Urteetako denboraldietan banatu beharrean, hiru multzotan ekoiztu eta eman ziren atalak: Venezuelakoa, Venezuelan grabatua lehenbizi; Fauna Iberikoa Espainian filmatua gero; eta Amerikako saila, Kanadan eta Alaskan filmatua. 124 atal egin ziren guztira. Atal oso eta ezagunena Espainiako faunarena izan zen, zeinak 92 atal izan zituen, bakoitza 26 minutukoa.^[2]

1980ko martxoaren 14an, Alaskan, Iditarod lasterketari buruzko kapituluetarako aireko plano batzuk filmatzen ari zirela, ekoizpen taldak zerabilen hegazkinak istripua izan zuen, eta han hil ziren Warren Dobson pilotua, Rodríguez de la Fuente bera eta Teodoro Roa eta Alberto Mariano Huéscar kamerariak. Naturalista ospetsuaren heriotzak sail dokumentalaren etena ekarri zuen, eta izan ere, telebistan hurrengo urteko maiatzera arte gelditu zen azken atal amaituen emanaldia: ^[3] Teófilo Martínezen ahotsarekin eman zituzten azken atalak (117-124), non aurreko guztietan Rodriguez de la Fuenteren lokuzio ezaguna nabarmendu zen.

Telesailaren musika bereizgarria ere ezaguna izan zen Antón García Abrilek konposatua.

Sariak[aldatu | aldatu iturburu kodea]

Rainier printzearen sari handia, Montecarloko Telebista Jaialdian (1976) atal honenhatik: Prisioneros del Bosque.
Urrezko TP saria (Espainia, 1976) telebista saio nazional onenari.
II. Paris Saria, L'Émission Scientifique de Télévision Centre National de la Recherche (1977), atal honmengatik El cazador social.
II. Paris Sari Handia, L'Émission Scientifique de Télévision Centre National de la Recherche (1978) atal honengatik: El buitre sabio, Gaspar sai zuriaren gaineko atal goraipatua.
2000. urtean Espainiako Telebistako Zientzia eta Arteen Akademiak izendatu zuen El hombre y la Tierra Espainiako telebistako historiako ekoizpen onen gisa.^[4]