Elsa Aguirre

Elsa Aguirre
	; (1955) Irudi gehiago
Bizitza
Jaiotzako izen-deiturak	Elsa Irma Aguirre Juárez
Jaiotza	Chihuahua, 1930eko irailaren 25a (93 urte)
Herrialdea	Mexiko
Lehen hizkuntza	Mexikoko gaztelania
Familia
Anai-arrebak	ikusi Alma Rosa Aguirre (en) ;
Hezkuntza
Hizkuntzak	Mexikoko gaztelania
Jarduerak
Jarduerak	aktorea, zinema aktorea, antzerki aktorea eta telebista-aktorea

Elsa Irma Aguirre Juárez (Chihuaha, 1930eko irailaren 25a) mexikar aktorea da.

Ibilbidea[aldatu | aldatu iturburu kodea]

Bere jardunbidearen hasieran nerabea zela aurkitu zuten, CLASA Films Mundiales izeneko zinema ekoiztetxe batek egindako edertasun lehiaketa batean, talentu berrien bila zebilena. Hala, bera eta bere arreba Alma Rosa aukeratu zituzten 1945ean Emilio Gómez Murielek zuzendutako El sexo fuerte izeneko lehen filmean agertzeko. Harrezkero, Elsa Agirrek bere jardunbidean drama, amodioa, akzioa, fikzioa eta abar bezalako film mota askotan parte hartu du. Elsa Agirrek bere ahizparekin Alma Rosarekin agertu zen film batzuetan.

Bere filmetako bat Alfredo B. Crevennak zuzendutako Algo flota sobre el agua (1947) da, non Arturo de Córdovarekin parte hartu zuen. Elsak Flor de azalea izeneko abestia inspiratu zuen, Zacarías Gómez Urquizak eta Manuel Esperónek esklusiboki berarentzat konposatua. Abesti hori film horren soinu banda izan zen. Agirrek antzerkian, telesailetan eta zuzenekoetan abesten aritu da.

Besteak beste, agertu zituen filmak hauek dira:

Miguel Zacaríasek zuzendutako Cuidado con el amor (1954), eta Pedro Infante eta Eulalio González “Piporro” aktoreekin batera.
Vainilla, bronce y morir (Una mujer más) (1956) Rogelio A. Gonzálezek zuzendua, Ignacio López Tarso aktorearekin batera .
Ismael Rodríguezek zuzendutako Pancho Villa y la Valentina (1958) eta Pedro Armendárizek parte hartu zuen .
Ama a tu prójimo (1958) Tulio Demichelik zuzendua, bere ahizpa Alma Rosa eta Mario Moreno "Cantinflas" aktoreekin batera.