Ernst Jandl

Wikipedia(e)tik
Hona jauzi: nabigazioa, Bilatu
Ernst Jandl
Ernst Jandl and Friederike Mayröcker, public reading, 1974-11, Vienna, Austria.jpg
Bizitza
Jaiotza Viena1925eko abuztuaren 1a
Herrialdea  Austria
Heriotza Viena2000ko ekainaren 9a (74 urte)
Hobiratze lekua Zentralfriedhof
Familia
Bikotea(k) Friederike Mayröcker
Hezkuntza
Heziketa Vienako Unibertsitatea
Hizkuntzak alemana
Lanbidea
Lanbidea poeta, idazlea eta antzerkigilea
Lan nabarmenak Lichtung
bibliothek
Jasotako sariak
Kidetza Berlingo Arteen Akademia
Alemaniako hizkuntza eta literatura akademia
Bavarian Academy of Fine Arts
Genero artistikoa olerkigintza
IMDb nm0417388
www.ernstjandl.com/
Jandl Signature.gif

Ernst Jandl (Viena, 1925eko abuztuaren 1a - ib., 2000ko ekainaren 9a) austriar idazlea izan zen.

Biografia[aldatu | aldatu iturburu kodea]

Filologia alemana eta ingelesa ikasi zituen Vienan, eta ingelesezko irakasle izan zen, erretiratu arte. 1991n Erich Fried Nazioarteko Elkartearen Ordezkari izendatu zuten, eta 1993an literaturako Kleist saria jaso zuen. XX. mendeko egile esperimental garrantzitsuenetakotzat jotzen da. Jandlek bere Sprechgedichteei (Poema hiztunei) zor die ospe hori, poema horien testuetan edukiak eta formak adina garrantzi baitu soinuak. Bere poemak, beraz, XX. mendearen hasierako tradizio dadaistaren barruan daude, baina, haiek ez bezala, hitz-joko umoretsuz eta satiraz beterik. Horren adibiderik onena, seguru asko, 1966an argitaraturiko Laut und Luise liburua da (Soinua eta Luisa; itzulpenak ezin du, ordea, Luise eta leise arteko hoskidetasunean oinarritzen den alemanezko hitz-jokoa islatu, tituluak alemanezko laut und leise, ozen eta apal, esapidea gogorarazten baitu). Poema-liburu horrek arrakasta ikaragarria izan zuen, eta 1968an disko bat grabatu zuen, Jandlen esanetan, horrelako poesiaren betetasuna iritsi zuena. Horren ondoren, beste grabaketa asko eta irratirako gidoiak egin zituen, bitarteko hori ere Jandlen literaturaren kontzepturako oso egokia baitzen. Antzerkia ere idatzi zuen, esate baterako, aktorerik gabe antzezteko egin zuen Der Raum, szenisches Gedicht für Beleuchter und Tontechniker (1970, Espazioa, argitzaileentzat eta soinu-teknikarientzat poema eszenikoa). Aus der Fremde (1980, Atzerritik) operak arrakasta handia izan zuen; bertan idazle batek bere burua torturatzen du, zazpi agerralditan hitz bakar bat ere paperean jartzeko gai ez delako. Poesia esperimentalaren irakurle-kopurua zabaltzea izan da Jandlen merezimendurik handiena.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Ernst Jandl Aldatu lotura Wikidatan