Fatima al-Fihri

Fatima al-Fihri
Bizitza
Jaiotza	Kairuan, ?
Herrialdea	Abbastar Kaliferria
Lehen hizkuntza	arabiera
Heriotza	Fez, 880 (egutegi gregorianoa) (79/80 urte)
Hezkuntza
Hizkuntzak	arabiera
Jarduerak
Jarduerak	mezenasa
Lan nabarmenak	ikusi Al-Qarawiyyin Unibertsitatea
Sinesmenak eta ideologia
Erlijioa	islama

Fatima al-Fihri (Kairuan (Tunisia), ? – Fez (Maroko) 880) (فاطمة محمد الفهري, Oum al Banine izengoitiaz ezaguna, hau da, "Seme guztien ama") emakume arabiar eta musulman ospetsua, munduko lehen goi mailako irakaskuntza-instituzioa sortzeagatik. Instituzio hori Fezeko Al Quaraouiyineko Unibertsitatea da, gaur egun oraindik martxan dagoena.

Biografia

Fatima Al-Fihriren aita Mohamed Al-Fihri zen, merkatari arabiar garrantzitsua. Familia osoa Tunisiatik Marokora bizitzera joan zen, Idris II.a erregearen garaian

Fatimari senarra eta anaia guztiak hil zitzaizkiolarik, ondare handia jaso zuen oinordetzan. Hala, ahizpa Mariamekin batera haien herriaren aldeko ekimen bat bultzatzea erabaki zuten. Madrasa bat eraiki zuten gazteriaren heziketari laguntzeko. X. menderako, madrasa hura herrialdearen benetako motor intelektuala zen. 859an, halaber, Fatimak munduko lehen unibertsitatea sortu zuen, Fezeko Al Quaraouiyineko Unibertsitatea, gaur egun oraindik martxan dagoena. Haren ospea mundu ezagun osoan zabaldu zen eta pentsalari asko erakarri zuen, tartean, Gerbert Aurillacekoa, gero Silvestre II.a aita santua izango zena. Gerbertek arabiar zifrak eta zeroaren kontzeptua Europan ezagutarazi zituen.

Miriam, Fatimaren ahizpa, bere aldetik, Fezeko l-Andalus meskita eraikitzeko dirua jarri zuelako da ezaguna.

Kanpo estekak

• (Frantsesez):Al Quaraouiyineko Unibertsitateari buruzko informazioa.

• Datuak: Q182363