Fernando Goñi

Goñi III.a
Goñi III.a, 2010ean
Izen osoa:	Fernando Goñi Erize
Jaiotza data:	1973ko otsailaren 5a (51 urte)
Jaioterria:	Zubiri (Nafarroa Garaia)
Pilotaria
Modalitatea:	esku huskako pilota
Egungo enpresa:	erretiratua
Postua:	atzelaria
Altuera:	1,83 m
Pisua:	84 kg
Debutatze data:	1998ko otsailaren 27a
Debutatze pilotalekua:	Labrit (Iruñea)
Erretiratze data:	2010
Erretiratze pilotalekua:	Labrit (Iruñea)

Fernando Goñi Erize, pilota arloan Goñi III.a deituraz ezaguna (Zubiri, Nafarroa Garaia, 1973ko otsailaren 5a) esku huskako pilotari profesional ohia eta enpresaburua da. Pilotan, atzelari jardun zuen, Aspe enpresarekin. Estatistika ofizialen arabera, 1,84 m luze da. Lehendabiziko partida 1998ko otsailaren 27an jokatu zuen, Iruñeko Labrit pilotalekuan, eta pilotaleku berean hartu zuen erretiroa, 2010ean.^[1]

Binaka jokatuz nabarmendu zen: jokatu zituen lau finalak irabazi zituen binakako txapelketa nagusian, eta 12 urte eman zituen estelarrak jokatzen. Jo handikoa ez zen; bai, ordea, pilotari langilea eta lehiakorra, ia hutsik egin gabe pilota ederki gozatzen zuena, bereziki partida garrantzitsuenetan.^[1]

Gaur egun, Eugin (Nafarroa) dagoen Quinto Real ostatuaren jabe eta zuzendari da.^[2] Gainera, MondoPilota enpresako buru ere bada; Nafarroako enpresa horrek turismo aktiboaren eta kulturaren arloan lan egiten du, eta Fernando Goñik pilota jokoari buruzko maisu eskolak eskaintzen ditu.^[3]^[4]

Kirol lorpenak

Binakako Txapelketa Nagusia

Lau aldiz irabazi zuen Esku Huskako Binakako Pilota Txapelketa Nagusia: 2001, 2004, 2005 eta 2009. urteetan, hain zuzen. Lehiaketa horretan, jokatutako final guztiak irabazi zituen.

Urtea	Txapeldunak	Txapeldunordeak	Emaitza	Pilotalekua
2001	Olaizola I.a - Goñi III.a	Alustiza - Beloki	22-13	Atano III.a
2004	Titín III.a - Goñi III.a	Martinez de Irujo - Lasa III.a	22-8	Atano III.a
2005	Martínez de Irujo - Goñi III.a	Bengoetxea VI.a - Beloki	22-12	Atano III.a
2009	Martinez de Irujo - Goñi III.a	Olaizola II.a - Mendizabal II.a	22-21	Atano III.a

Estatistikak

Bere kirol ibilbidean, zenbaki hauek egin zituen Goñi III.ak, haren enpresaren webguneko fitxan jasota dagoenez:

Jokatutako partidak	Irabaziak	Galduak	Aldeko tantoak	Aurkako tantoak
963	534	429	17990	16878

Erreferentziak

↑ ^a ^b Imanol Magro: «Fernando Goñi, pilotari ohia: "Beti egon naiz zerbaitegatik lehiatzen; amestu ezinezko ibilbidea izan da!"», Berria, 2010-12-22.
↑ (Gaztelaniaz) «Quinto Real, el rincón del pelotari Fernando Goñi».
↑ MondoPilota enpresaren webgunea.
↑ (Gaztelaniaz) Fernando Goñik MondoPilota enpresaren bidez eskainitako maisu eskolei buruzko erreportajea, ETB 2 telebista kateko Navarra Directo saioan.

Kanpo estekak

Enpresako fitxa

Datuak: Q4892115

[berria20101222-1] Imanol Magro: «Fernando Goñi, pilotari ohia: "Beti egon naiz zerbaitegatik lehiatzen; amestu ezinezko ibilbidea izan da!"», Berria, 2010-12-22.

[2] (Gaztelaniaz) «Quinto Real, el rincón del pelotari Fernando Goñi».

[3] MondoPilota enpresaren webgunea.

[4] (Gaztelaniaz) Fernando Goñik MondoPilota enpresaren bidez eskainitako maisu eskolei buruzko erreportajea, ETB 2 telebista kateko Navarra Directo saioan.

[1]

[2]

[3]

[4]