Garbiñe Basarte

Garbiñe Basarte
	;
Bizitza
Jaiotza	Lizarra, 1976ko apirilaren 23a (48 urte)
Herrialdea	Nafarroa Garaia, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	kale-artista eta Horma irudia

Garbiñe Basarte Etxeberria (Lizarra, Nafarroa Garaia, 1976ko apirilaren 23a) kaleko artista da, muralista.

Bizitza[aldatu | aldatu iturburu kodea]

Garbiñek lehen ikasketak jaioterriko Lizarra ikastolan egin zituen. Ondoren, Corellako Escuela de Arte y Superior de Diseño eskola publikoan jarraitu zuen ikasten.

Lan ibilbidea[aldatu | aldatu iturburu kodea]

Txikitatik gustatu izan zaio pintatzea, eta bizitza profesionala ere beti egon da nolabait pinturarekin lotuta, aitari lagunduz pintura edo igeltsero lanean edota bere ekimenetan, azken urteotan kalean muralista. Etxean ez du pintatzen. Lehen ez zitzaion batere gustatzen pintatzen ari zela aita begiratzera hurbiltzea edo pintura-klasean norbait begira izatea. Baina ohitu da kaleko ikusleen aurrean pintatzen. Tabernetako mahaietan ere asko pintatu du.

Kalean pintatzeak jendearekiko harremana sortzen du eta hori lagungarria gertatzen zaio. Jendeak ondo tratatzen du, interesa agertzen dute ikusleek.^[1] Perfekzionistatzat dauka bere burua:

Amaitzeko eperik jarriko ez balidate, jarraitu egingo nuke, hobetu eta hobetu.

Lanak[aldatu | aldatu iturburu kodea]

Bere jaioterriko hainbat horma eta eskailera margotu eta koloreztatu ditu, besteak beste;

Hernandez kaleko eskailerak.^[2]^[3]
San Juan kaleko eskailerak.^[4]
Los Llanosko parkean.
Zezen Plazan
Sortzez Garbiaren pasealekuaren ondoko kaleetan.
Erabiltzen ez diren denda tipikoak birsortu ditu, irekita daudela simulatuz.^[5]
Santiagoko pasabideko horma-irudian Estellerriko ondare artistiko eta naturala protagonista duen paisaia koloretsua ikus daiteke eta emakumearen eginkizuna gizartean.^[6]

Merkataritzari buruzko horma-irudiak egin zituenetik, proposamen ugari jaso ditu, partikularrenak, Béjar-ekoak (Salamanca), Nafarroakoak (Caparroso, Iruñea, Genevilla, Aiegi edo Muniain)...

Bestelakoak[aldatu | aldatu iturburu kodea]

Garbiñe bestelako lan eta jardueretan ere aritu da:

Gurutze Gorrian[aldatu | aldatu iturburu kodea]

9 urtez jardun du boluntario lanetan:

Osasun larrialdietako teknikari.
Sorospen-saileko arduradun.
Presidente azken 4 urteetan

Uretako instalazioetako sorosle[aldatu | aldatu iturburu kodea]

Bizitza pertsonala[aldatu | aldatu iturburu kodea]

Ez du bizitza pertsonal erraza izan Garbiñek. 21 urtetik 35era tratu txarrak jasan zituen bikotearengandik eta horrek legez kanpoko sustantziak hartzera bultzatu zuen, infernu hartatik irtetea lortu zuenean, bere semea zaintzeari ekin zion, ama ezkongabe gisa, kontziliatzea eta lana bateratzea zaila izanik 9 urtez Gurutze Gorriko boluntariotzan jardun zuen; anbulantzia gidari, zein beste eginkizunetan. Semea hazi ahala bere bokazioa den pinturara itzuli zen. Hainbat urtez pintatu gabe egon ondoren, 2018an, kasualitatez, muralgintzari ekin zion.