Caparroso

Caparroso Kaparrotsu
Nafarroa Garaia, Euskal Herria
Herriko ikuspegia Kristoko elizatik
Bandera Armarria
Kokapena
Herrialdea	Euskal Herria
Lurraldea	Nafarroa Garaia
Merindadea	Erriberri
Eskualdea	Erdialdea
Administrazioa
Estatua	Espainia
Erkidegoa	Nafarroa
Barrutia	Tafalla
Izen ofiziala	Caparroso
Alkatea (2019-2023)	Carlos Alcuaz Monente (Nafarroako Alderdi Sozialista)
Posta kodea	31380
INE kodea	31065
Herritarra	caparrosoar, kaparrotsuar
Geografia
Koordenatuak	42.32790391°N 1.65185462°W / 42.32790391; -1.65185462
Azalera	80,8 km²
Garaiera	290-440 metro
Distantzia	59,0 km (Iruñetik)
Demografia
Biztanleria	2.783 (2022:  −1)
1.308 (%47) (2019)  (%52,4) 1.458
Dentsitatea	34,44 biztanle/km²
Zahartzea	% 25,06
Ugalkortasuna	‰ 59,02
Ekonomia
Jarduera	% 76,52 (2011)
Desberdintasuna	% 0 (2011)
Langabezia	% 12,53 (2013)
Euskara
Eremua	eremu ez-euskalduna
Euskaldunak	% 1,20 (2018:  %-0,06)
Datu gehigarriak
Webgunea	www.caparroso.es

Caparroso edo Kaparrotsu Euskal Herriko udalerri bat da, Nafarroa Garaia lurraldean kokatuta. Erriberriko merindadean eta Erdialdea eskualdean dago, Iruñea hiriburutik 59,0 kilometrora. Altuera 290 eta 440 metro artekoa da, eta 80,80 km²-ko azalera hartzen du. 2022 urtean 2783 biztanle zituen.

Aragoi ibaitik gertu dagoen eremu lau batetik gaur egun hesi estu batean dagoen tokira lekualdatu zuten, ohiko uholdeetatik babesteko. Herri hori Nafarroako Erresumaren hegoaldeko defentsarik garrantzitsuenetako bat izan zen, musulmanen aurrean, bere gazteluari esker. Iruñea eta Tutera artean eta Zarrakaztelu eta Azkoien artean Aragoi ibaia igarotzen den lekuan kokatzeak erreferente bihurtu du Erdi Aro osoan eta ondoren. Gainera, XX. mendearen bigarren erdialdean, populazioa sendotzea lortu zuen, eta ibaiaren eta errepide berriaren inguruan hiri-hazkunde handia gertatu zen.

Bertako biztanleak caparrosoarrak edo kaparrotsuarrak dira.

Izena

Caparroso edo Kaparrotsu toponimoa beste hizkuntza batzuetan ere ezagutzen da, hala nola:

• gaztelaniaz: Caparroso
• nafar erromantzez edo aragoieraz: Caparroso

Gainera, toponimoa hainbat modutan agertu da historian zehar:

• Caparroso (921)
• Caparros (1033)
• Caparruso (1084)
• Cabarros (1102)
• Cabarroso (1171)
• Caparroso (1249)
• Caparosa (1350)
• Caparroso (1366)
• Caparros (1414)
• Caparroso (1534)
• Caparrosa (1638)
• Caparroso (1802)
• Caparroso (1956)
• Kaparrotsu (1974)
• Kaparroso (1979)
• Kaparrotsu (1996)

Etimologia

Mikel Belaskoren arabera, kaparra hitzetik dator, sasiak eta arrosak bezalako zuhaixka batzuei ere aplikatzen zaiena, hartz-ugari atzizkiaren ondoan. Beraz, "kapar ugariko lekua" da. Gaztelaniako Akademiaren arabera, "caparra" hitzak "kaparra" adiera du, eta jatorri aurreerromanikokotzat hartzen da. Dena den, euskaraz, "kaparra" hitzak "kaparra" esan nahi du hitzez hitz, eta, beraz, Caparrosok jatorri euskalduna izango du.

1964ko Baionako Euskal Idazkaritzaren Euskal Herriko leku-izenen zerrendan Kaparrotsu nolabait euskaratuta, eta 1979ko Euskal Herriko udalen izendegian, Euskaltzaindiak Gabarrotsu forma proposatzen zuen, eta 1990ean Caparroso aukeratu zuen arren.

Udalerri horren izen ofiziala Caparroso da, eremu ez-euskaldunean dagoenez, gaztelaniazko izena baino ez baita ofiziala. Euskaraz, Euskaltzaindiak dio euskarazko arauzko izena Caparroso dela. Hala eta guztiz ere, euskaldunen sektore handi batek Kaparrotsu forma erabiltzen du.

Ezaugarriak

Armarria

Caparroso edo Kaparrotsu udalerriko armarriak honako blasoi hau du:

«

Hondo gorri batez eta aurrean hainbat arkuetako urrezko zubi batez osatuta dago. Bere eskuinean, basealiza bat dago. Hori guztia olatu zuri eta urdinen gainean dago.

»

Bandera

Caparroso edo Kaparrotsu udalerriko banderak herriko armarri dauka hondo zuri baten gainean. Armarria, gainean kasket bat eta bi aldeetan lanbrekinak dituela irudikatzen da.

Geografia

Caparroso edo Kaparrotsu Erdialdea eskualdean dago, Aragoiko Erribera eremu naturalean.

Ingurune naturala eta kokapena

Caparroso edo Kaparotsu Erriberriko merindadearen hegoaldeko muturrean dago, Bardeako iparreko mugatik gertu. Herria, N-121 errepideak zeharkatzen du Iruñea-Tuterako norabidean. Herrigunetik ekialdera Melida eta Traibuenas herrietara doan NA-5501 errepidea dago.

Geografiaren aldetik, Aragoiko Erribera haranean dago, hau da, Aragoi ibaiaren ibilguaren behereneko aldean.

Klima eta landaredia

Klima mediterraneo-kontinental motakoa da, neguak hotzak dira (4,9 gradu batez beste urtarrilean), eta udak oso beroak (23,9 gradu batez beste abuztuan). Prezipitazioak, bestalde, eskasak dira urte osoan zehar (urtero 424mm batez beste), eta, oro har, udaberrian eta udazkenean izaten dira ugarien. Ibai nagusia Aragon ibaia da (Caparroso parean 81 metro kubikoko batez besteko emaria daukana). Urteroko egun euritsuak 60 baino ez dira izaten eta iparreko ziertzo haizeak maiz jotzen du.

Herriaren inguruko basoetan zuhaixkak eta birlandaturiko 200 hektarea pinu daude. Pinu gehienak udalerriaren iparraldean daude, N-121 errepidearen bi aldeetan. Udalerriaren gainontzeko azaleran laborantza lurrak eta sastrakak baino ez dira.

Estazio meteorologikoa

Kaparrotsun dagoen, itsasoaren mailatik 303 metrora, Nafarroako Gobernuak 1929n jarritako estazio meteorologikoa dago.

Datu klimatikoak (Kaparrotsu, 1953-2020)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	20.0	23.0	28.0	32.0	38.5	42.0	47.0	43.0	41.0	33.0	27.0	21.0	47.0
Batez besteko tenperatura maximoa (°C)	9.8	12.1	16.2	18.3	23.0	28.3	31.4	31.0	26.6	20.6	14.0	10.2	20.1
Batez besteko tenperatura (ºC)	5.5	6.9	10.2	12.3	16.7	21.2	23.9	23.7	19.9	15.1	9.4	6.1	14.2
Batez besteko tenperatura minimoa (°C)	1.3	1.7	4.2	6.3	10.3	14.2	16.4	16.4	13.2	9.5	4.9	2.0	8.4
Erregistraturiko tenperatura minimoa (°C)	-8.0	-7.0	-7.0	-3.0	1.0	5.0	8.0	7.0	4.0	-1.0	-8.0	-13.0	-13.0
Batez besteko prezipitazioa (mm)	27.7	22.9	25.9	50.9	48.3	31.6	22.1	25.0	42.4	47.7	41.1	35.8	421.5
Prezipitazio maximoa 24 ordutan (mm)	32.5	26.6	31.0	44.2	50.6	42.2	35.8	83.0	84.2	45.5	42.5	41.2	84.2
Prezipitazio egunak (≥ 1 mm)	10.1	8.2	7.7	10.3	9.7	6.4	4.6	4.7	5.8	9.6	10.9	9.7	97.6
Elur egunak (≥ 1 mm)	0.7	0.8	0.4	0.1	0.0	0.0	0.0	0.0	0.0	0.0	0.2	0.6	2.7
Iturria: Nafarroako klimatologia zerbitzua

---

Grafiko hau ezin da une honetan ikusi, software arazo bat dela eta. Lanean ari gara ahalik eta lasterren grafikoak berriro erakutsi ahal izateko.

Aukeratu beheko zatian urte-tarte bat, urte horiek goian xehetasun handiagoz ikusteko.

Ikusi edo aldatu datu gordinak.

Historia

Erdi Aroa

Antso IV.a Gartzeitz

Firush Kabbarushorekin identifikatzen bada, grafia txar baten ondorioz, Caparrosoko gaztelua Muhammad I.a Kordobakoak hartu zuen 860an. Herriaren sortze data zehatza ezezaguna da, baina XI. mendean Iruñeko Erresuma garaian, musulmanen defentsarako gotorleku izan zela uste da. Zaragozako Ahmad ar-Muqtadir erregeak, herria konkistatu zuen arren, 1073an Antso IV.a Gartzeitz erregeari itzuli zion, trukean Nafarroako erregeak Tudejengo gaztelua eman zuen. Herriko eliza Concasko Santa Fe monasterioari eman zion Petri Rodezkoa apezpikuak 1092an. 1102an Petri I.a Santxitz erregeak Erresumaren mugetan zeuden herri gehienek zeuzkaten eskubide eta pribilegio berak eman zizkien Kaparrotsuko biztanleei.

Dena den, Erdi Aroan herria jauntxo baten jabetza izan zen, trukean herritarrek 1000 soldatako petxa eta gari, garagar eta bestelako laboretan ordaindu beharreko zerga zuten. 1332an Joana II.a eta Filipe III.a erregeek herriko gotorlekuaren mantenu lanez arduratzetik aske utzi zituzten herritarrak. Caparrosoarrek aldi berean, Zidakos ibaiaren aprobetxamendua Tafallarekin partekatzea erabaki zuten (1227an eta 1325ean. Karlos II.a Nafarroakoa erregeak herritarrek ordaindu beharreko petxa aldatu eta herrian zituen hainbat jabetzaren truke saldu zion herria Olibako Andre Mariaren monasterioari 1350ean.

Ondorengo mendeetan, Kaparrotsuk hainbat jabe izan zituen, Juan Enexorbues (1365etik aurrera), Karlos II.aren sasiko semea zen Godofre (1414tik aurrera), eta Joan Kardona 1447tik aurrera). Dena den, koroak behin betiko berreskuratu zuen herria1451n. 1472an Leonor I.a Nafarroakoak Bardeako lurren aprobetxamenduaren eskubidea eman zien herritarrei, Nafarroako Gerra Zibilean agaramontarren alde agertu izanagatik.

Aro Modernoa

Zalduko Andre Mariaren baseliza

XVIII. mende hasierako uholde indartsuek Zalduko Andre Mariaren baseliza suntsitu zuten, eta 1787ko uholdeak (Zangozan ehunka hildako eragin zituen uholde berak), erabat suntsitu zuen Aragoi ibaiaren gaineko zubia. Nafarroako Foru Aldundiak berehala ekin zien zubia berreraikitzeko lanei, eta zubi berria 1802an amaitu zuten. XIX. mendearen hasieran, herrian, irina eta olioa ekoizteko errota bana zegoen, horrez gain, igeltsu harrobia eta gesal lantegia zeuden.

Herriko jarduera ekonomiko nagusiak nekazaritza eta abeltzaintza ziren, eta behi eta ardi ugari egoteak alfonbrak egiten zituzten lantegi txikien agertzea eragin zuen. Zalduko Andre Mariaren baseliza errege bidearen ertzean berreraiki zuten XIX. mendearen hasieran. 1850ean Caparrosok mutilen eta nesken eskolak zeuzkan. Mutilen eskolako maisuak 2920 erreal irabazten zituen urtero, eta nesken eskolako maistrak 730 erreal baino ez. Mutilen eskolan 80 ikasle zeuden, eta nesken eskolan 36. 12 000 errobada lur ureztagarri zeuden, ogia egiteko hainbat labe, mende hasierako irina ekoizteko errota, olioa egiteko beste lau errota, pattarra egiteko hiru galdara, eta oihal lantegi txikiak.

XIX. mendean zehar alfonbra eta espartzuaz egindako hainbat jantziren ekoizpen tradizionalak jarraitu zuen. XVIII. mende amaieran eraikitako Erriberako errepideak asko hobetu zituen inguruko herritarako komunikabideak, Tuterara eta Iruñera batez ere. Caparrosok ospitalea izan zuen, XVIII. mendea baino lehenago. Ospitalearen mantenuaz Andre Mariaren eta Santa Katalinaren kofradia arduratzen zen eta berez herriko gaixoez gain, behartsuen beharrez arduratzen ziren. 1738an Divino Pastor izeneko kongregazioak hartu zuen ospitalearen mantenuaren ardura. Ordena erlijioso horretako kideak klausurakoak izanik, limosna eskatzeko bakarrik ateratzen ziren kalera.

Erriberri, Azkoien eta Tafallako aurkakotasuna dela eta, kongregazio horretako kideek ospitalea utzi behar izan zuten, Nafarroako elizbarrutiak hogei kilometrotan komentu eta erakunde erlijioso berrien ezarpena debekatzen zuela argudiatu baitzuen. 1749tik aurrera, Iruñeko gotzain zen Gaspar Mirandaren aginduz, ospitalea Kaparrotsuko eliz kabildoaren menpean geratu zen. 1800ean ospitalearen eraikinaren berritze lanek 700 pesoko aurrekontua izan zuten. Independentzia gerran zehar, Frantziako Armadak lau hilabete eman zituen ospitalean. Ondoren, XIX. mendearen erdialdean, Caparrosoko udaletxearen egoitza izan zen.

Demografia

2022 urteko erroldaren arabera 2783 biztanle zituen Caparroso edo Kaparrotsu udalerriak.

1842	1857	1860	1877	1887	1897	1900	1910	1920	1930	1940	1950	1960	1970	1981	1991	2001	2011	2021
1216	1622	1797	1848	1832	1950	2075	2354	2838	2945	2675	2849	2851	2553	2372	2383	2416	2792	2784

Grafiko hau ezin da une honetan ikusi, software arazo bat dela eta. Lanean ari gara ahalik eta lasterren grafikoak berriro erakutsi ahal izateko.

Ekonomia

Historikoki Caparroso edo Kaparrotsu nekazaritza herria izan den arren, 1960ko hamarkadatik aurrera, ekonomia garatuz joan da eta gaur egun, industriak garrantzia handia dauka. Horrela, industrialde bat eraiki zen herrigunearen iparraldean eta bertan hainbat enpresa ezarri ziren, besteak beste, Rockwoll edo EHN etxeak. Azken enpresa hau Nafarroa Garaiko garrantzitsuenetakoa da (Acciona Energiaren jabetza) eta energia berriztagarrien negozioan dihardu.

Bioerregaiak ekoizteko Acciona enpresak eraikitako lantegia 2005ea inauguratu zen, urtero 35 000 tona bioerregai ekoizteko gaitasunarekin. Lantegia eraikitzeko 25 milioi euroko inbertsioa egin zen eta eskari altua dela eta, Accionak lantegiaren edukiera bikoizteko asmoa dauka.

Udalerriko mugen barruan, Nafarroako Foru Erkidegoko Gobernuak eraikiarazitako Caparroso parke eolikoa dago. Instalaturiko potentzia 30,10 megawattekoa da, eta parkearen jabea Nafarroako Foru Erkidegoko Gobernua da gaur egun.

Bardea

Erdi Aroan, Kaparrotsuk, Fustiñana, Tutera, Cortes, Buñuel, Cabanillas, Melida, Zarrakaztelu, Alesbes, Cadreita, Valtierra, Arguedas, Santakara, Martzilla, Faltzes, Azkoien, Funes, Milagro, Corella, Olibako monasterioa, eta Erronkariko ibaxa eta Zaraitzu ibarrekin batera, Bardeako Komunitatea osatu zuen, Bardeako lur amankomunak nekazaritzarako erabiltzeko asmoarekin.

Politika

Caparrosoko edo Kaparrotsuko udaletxea herrigunean dago. Udalbatza udalerriko alkateak eta hamar zinegotzik osatzen dute. Egungo alkatea Carlos Alcuaz Morente da, Nafarroako Alderdi Sozialistako hautagai gisa aurkeztu zena.

Hauteskundeak

Udal hauteskundeak

Alderdia	Legealdiko eserlekuak, hasiera-urtearen arabera
	1979	1983	1987	1991	1995	1999	2003	2007	2011	2015	2019
Kaparrotsu, Orainaldi eta Iragana	-	-	-	-	-	-	-	-	-	-	3
Nafarroako Alderdi Sozialista	4	3	5	6	5	5	4	5	4	4	3
Kaparrotsu Aurrera	-	-	-	-	-	-	-	-	-	-	3
Navarra Suma	-	-	-	-	-	-	-	-	-	-	2
Kaparrotsuko Ezkerreko Asanblada	-	-	-	-	-	-	-	1	1	1	0
Nafar Herriaren Batasuna	-	3	6	-	6	6	6	5	4	4	-
Nafarroako Alderdi Popularra	-	-	-	-	-	-	-	-	2	2	-
Aralar	-	-	-	-	-	-	1	-	-	-	-
Nafarroako Demokraten Elkargunea	-	-	-	-	-	0	-	-	-	-	-
Kaparrotsuko Talde Indepdendentea	-	-	-	4	-	-	-	-	-	-	-
Nekazaritza eta Abeltzaintza Alderdia	-	-	-	1	-	-	-	-	-	-	-
Kaparrotsuko Asanblada Independentea	-	-	-	0	-	-	-	-	-	-	-
Alianza Popular-Alderdi Demokrata Popularra	-	4	-	-	-	-	-	-	-	-	-
Euskadiko Ezkerra	-	1	-	-	-	-	-	-	-	-	-
Kaparrotsuko Independenteak	6	-	-	-	-	-	-	-	-	-	-

Foru hauteskundeak

Hauek dira Nafarroako Parlamenturako hauteskundeen azken bi deialdiak:

2019ko Nafarroako Parlamenturako hauteskundeak Alderdia Bozak guztira % +/-  Navarra Suma 639 44,53 -  Nafarroako Alderdi Sozialista 488 34,01 ▲ 155  Geroa Bai 85 5,92 ▼ 10  Euskal Herria Bildu 81 5,64 ▼ 11  Ahal Dugu 65 4,53 ▼ 72  Izquierda-Ezkerra 25 1,74 ▼ 13  Vox 21 1,46 -  Nafarroako Ordezkaritza Kanabikoa 5 0,24 ▼ 0  Equo 3 0,21 ▲ 2  Libertate Nafarra 2 0,14 ▼ 18  Solidaritate eta Autogestio Internazionalista 2 0,14 ▼ 0

2015eko Nafarroako Parlamenturako hauteskundeak Alderdia Bozak guztira % +/-  Nafar Herriaren Batasuna 515 36,14 ?  Nafarroako Alderdi Sozialista 333 23,37 ?  Ahal Dugu 137 9,61 ?  Nafarroako Alderdi Popularra 125 8,77 ?  Geroa Bai 95 6,67 ?  Euskal Herria Bildu 92 6,46 ?  Izquierda-Ezkerra 38 2,67 ?  Libertate Nafarra 20 1,40 ?  Herritarrak - Herritarron Alderdia 19 1,33 ?  Nafarroako Ordezkaritza Kanabikoa 5 0,35 ?  Animalien Tratu Txarren Kontrako Alderdia 5 0,35 ?  Batasuna, Aurrerapena eta Demokrazia 4 0,28 ?  Solidaritate eta Autogestio Internazionalista 2 0,14 ?  Equo 1 0,07 ?

Udala

Udalaren egoitza eta udaletxea herrigunean dago.

Antzinako udaletxea udalerriko alde zaharrean egon zen Plaza Zaharrean elizaren ondoan. Gaur egungo udaletxea herriaren zabalgunean dago eta zaharra eraistean eraiki zen 1958an. Beheko solairu eta honen gainean eraikitako beste hiru solairu dauzkan adreiluzko fatxadadun eraikina da. Fatxadako alde batean arkuak ageri dira.

• HELBIDEA: Espainia Plaza, 12

Egungo banaketa

Caparrosoko edo Kaparrotsuko Udala zinegotzik eta alkateak osatzen dute, demokratikoki hautatuak. Alkatea Carlos Alcuaz Monente da, Nafarroako Alderdi Sozialista zerrendakoa. Zinegotziak 10 daude:

• Gabriela Diez Luqui (Kaparrotsu Aurrera)
• Jorge Moreno Laserra (Kaparrotsu Aurrera)
• Carlos Ukar Arana (Kaparrotsu Aurrera)
• Liliana Goldaraz Reinaldo (Kaparrotsu, Orainaldi eta Iragana)
• Aquilino Jimenez Pascual (Kaparrotsu, Orainaldi eta Iragana)
• Francisco Javier Pejenaute Carreras (Kaparrotsu, Orainaldi eta Iragana)
• Hugo Lizarraga Monente (Navarra Suma)
• Francisco Javier Roncal Alfaro (Navarra Suma)
• Marcos Guemberena Inestrillas (Nafarroako Alderdi Sozialista)
• Ana Rosa Uzqueda Pascual (Nafarroako Alderdi Sozialista)

Alkateak

1979tik, Caparrosok edo Kaparrotsuk 9 alkate izan ditu:

Alkatea	Agintaldi hasiera	Agintaldi amaiera	Alderdia
Felix Aicua	1979	1983		Kaparrotsuko Independenteak
Francisco Arana Arana	1983	1987		Alianza Popular
Alberto Labiano Amadoz	1987	1991		Nafar Herriaren Batasuna
Alfonso Igea Perez	1991	1995		Nafarroako Alderdi Sozialista
Pedro Tabar Oneca	1995	2007		Nafar Herriaren Batasuna
Irene Jimenez Iribarren	2007	2011		Nafarroako Alderdi Sozialista
Maria Jose Lasterra Echeverria	2011	2015		Nafar Herriaren Batasuna
Aquilino Jimenez Pascual	2015	2019		Nafarroako Alderdi Popularra
Carlos Alcuaz Monente	2019	jardunean		Nafarroako Alderdi Sozialista

Garraioa

Nafarroako Hiriarteko Garraioa sareko 325 eta 350 linea zerbitzua ematen diote udalerri honi. Herriak bi autobus geldialdi du zeharkarrikan: bat Arradarantz eta beste bat Tafallarantz.

Nafarroako Hiriarteko Garraioa  Zerbitzua   Hasiera   Ibilbidea   Amaiera ⁠ 325 Tafalla Erriberri • Murelu Konde • Traibuenas • Kaparrotsu Arrada⁠ 350 Iruñea Tafalla • Erriberri • Kaparrotsu • Alesbes • Milagro • Cadreita • Castejon • Valtierra • Arguedas • Tutera • Mallen Zaragoza

Gainera, Condaren Iruñea eta Lodosa bitarteko lineak geltokia dauka herrian. Eguneko zerbitzu bakarra izaten da norabide bakoitzean.

Kultura

Euskara

Luis Luziano Bonapartek, 1869an, Caparroso edo Kaparrotsu ez-euskal-eremuan saiklatu zen.

Koldo Zuazok, 2010ean, Caparroso edo Kaparrotsu ez-euskal-eremuan sailkatu zen.

Nafarroako Gobernuak onartutako Euskararen Foru Legearen arabera, Caparroso edo Kaparrotsu eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %1,30k zekien euskaraz hitz egiten, 2010ean % 1,26k eta 2018n % 1,20k.

Kirolak

Herriak bi kirol talde nagusi ditu, batetik Azkarrena futbol taldea, eta bestetik, Peña Roya izeneko txirrindularitza kluba.

Horrez gain, kirolean aritzeko, hainbat instalazio daude herrian: Santa Fe futbol estadioa (bi futbol zelaikoa), estalitako kiroldegia, gimnasioa, udako igerilekuak, igerileku estalia, eta bi pilotaleku, estalia eta irekia.

Jaiak

• San Babil eguna, urtarrilaren 24an
• San Marko eguna, apirilaren 25an
• Gazteriaren jaiak, uztailaren bigarren asteburuan
• Santa Feko jaiak, irailaren lehengo asteburuan

Ondasun nabarmenak

• Santa Fe eliza, XVI. mendean eraikitako krisitiau eliza, gotiko-pizkundar estiloan.
• Kristoko eliza, XIV. mendean eraikitako kristiau eliza, gotiko estiloan.
• Zalduko Andre Mariaren baseliza, XVIII. mendean eraikitako kristiau baseliza.
• Caparrosoko edo Kaparrotsuko gaztelua, Erdi Aroko gaztelu zaharra.
• Caparrosoko edo Kaparrotsuko zubia, Aragoi ibaiaren gaineko zubia, Erdi Aroan eraikia.

Caparrosoar edo kaparrotsuar ezagunak

• Juan Baskardo (1584-1653), eskultore.
• Ricardo Zarikiei Ezenarro (1870-1943), pediatra, entomologo eta espeleologo.
• Celestino Peralta (1879-1929), erlijioso eta euskaltzale.
• Rafael Aizpun (1889-1981), politikari.
• Pablo Rada (1901-1969), militar.
• Pedro Tabar (1945-), politikari eta herriko alkate-ohia.
• Joaquín Luki (1948-2005), kazetari eta irrati esatari.
• Florencio Dominguez Iribarren (1956-), kazetari.

Herri senidetuak

Caparroso edo Kaparrotsu ondorengo herriekin senidetuta dago:

• Toluca de Lerdo
• Cuernavaca

Irudiak

• 

  Herria Santa Fe elizatik

• 

  Aragoi ibaia eta herriko zubia

• 

  Zalduko Andre Mariaren baseliza

• 

  Aragoi ibaia eta Kristoko eliza

• 

  Kristoko eliza

Erreferentziak

• Jose Maria Jimeno Jurio (zuzendaria), Nafarroako toponimia eta mapagintza. XXXV, Iruñea, 1996. ISBN 84-235-1505-2.

Ikus, gainera

• Erdialdea
• Erriberriko merindadea
• Nafarroa Garaia

Kanpo estekak

• Kaparrotsuko Udalako webgune ofiziala

• Datuak: Q1641846
• Multimedia: Caparroso
• Liburuak: Euskal Herriko bidaia-gida/Herriz herri/Caparroso