Gaztea pikotxean

Wikipedia, Entziklopedia askea
Jump to navigation Jump to search
'Gaztea pikotxean
Ragazzo accovacciato'
Michelangelo-Buonarroti-Crouching Boy-Hermitage.jpg
Jatorria
Sortzailea Michelangelo
Sorrera-urtea 1530 (gregoriar)
Mugimendua Italian Renaissancea Itzuli
Ezaugarriak
Materiala(k) haitzurdina
Altuera 54 zentimetro
Genero artistikoa biluzia
Kokapena
Lekua Hermitage museoa
Bilduma Hermitage museoa

Gaztea pikotxean (italieraz: Ragazzo accovacciato edo Giovane accosciato) eskultura bat da, agian Michelangelok egina. 1530 eta 1534 artean egina, 1785az geroztik San Petersburgoko (Errusia) Hermitage museoan dago. Estiloa Pizkundekoa da.

Deskribapena[aldatu | aldatu iturburu kodea]

Eskultura nahiko txikia da, 54 zentimetrokoa, eta gazte bat biluzik erakusten du. Gaztea bere gainez makurtuta dago, agian oinean duen arantza bat kentzeko asmoz. Eskultura ez dago erabat bukatuta baina aurpegiaren ezaugarriak, ilea eta gorputzaren formak nabariak dira.

Historia[aldatu | aldatu iturburu kodea]

Eskultura hau Medici familiaren eskuetan egon zen eta, ondoren, Lyde John Browne bankari ingelesak erosi zuen; Browne Katalina II.a Errusiakoa tsarinak bere bildumarako artelanak erosteko izendatua zegoen.

XX. mendea arte, artelana ez zaio Michelangelori egotzi. Egiletza hori baieztatzeko, ezinbestekoa izan zen Anny E. Popp ikerlariaren lana; Poppek, 1923an, eskultura Londreseko British Museumen gordetzen diren marrazki batekin lotu zuen: bi irudiak antzekoak dira.[1]

Medici familiaren proiektua[aldatu | aldatu iturburu kodea]

Londresen aurkitutako marrazkiak Florentziako San Lorentzo basilikaren sakristia berriaren proiektuarena ziren. Eliza horretan Medici familiaren hilobiak daude. Aipatutako diseinuan bi irudi pikotxan ikusten dira, hilobi batean bi horma hobietan; horietako batek Gaztea pikotxean lanaren itxura osoa du. Medici hilobien inguruko lanak 1524an hasi ziren eta lan hau 1530 eta 1534 artean egin zen. 1534an Michelangelo Erromatik alde egin zuen eta eskultura sakristiaren lurrean geldituko zen.

Esanahia[aldatu | aldatu iturburu kodea]

Ez dago garbi. Dirudienez lana Medici familiaren hilobirako prestatzen ari zen eta logikoena da zentzu alegorikoa izan behar lukeela pentsatzea. Horren arabera hipotesi desberdinak erabili izan dira: jaio gabeko arima bat izan daiteke, hilobiaren linboan jartzeko, edo, bestetik, heriotzaren izpiritua.

Erreferentziak[aldatu | aldatu iturburu kodea]

Bibliografia[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Gaztea pikotxean Aldatu lotura Wikidatan