Hubei

Wikipedia(e)tik
Hona jo: nabigazioa, Bilatu

Hubei (湖北)
Húběi Shěng

Estatua TxinaTxina
Hiriburua Wuhan
China Hubei.svg
Azalera
185.900 km²
Gobernadorea Li Hongzhong
Biztanleria
Dentsitatea
60.160.000 (2004)
324 bizt/km²
Etniak Han %95,6
Tujia %3,7
Miao %0,4
Web www.hubei.gov.cn

Hubei (湖北 txinera sinplifikatuz), Txinako Herri Errepublikako probintzia baten izena da. Probintziak 185.900 kilometro koadroko azalera dauka eta 2004ko erroldaren arabera 60.160.000 biztanle bizi ziren bertan.

Inguru naturala eta kokapena[aldatu | aldatu iturburu kodea]

Ontziak Yangtze ibaian.

Hubeik Henan probintziarekin egiten du muga iparraldean, Anhui probintziarekin ekialdean, Jiangxi probintziarekin hego-ekialdean, Henan probintziarekin hegoaldean, Chongqingeko udaltasunarekin mendebaldean, eta Shaanxi probintziarekin ipar-mendebaldean.

Hiru Arroiletako urtegia Hubei probintziako Yichangen dago. 1993an presa eraikitzen hasi zirenetik, ehunka milaka biztanlerentzako etxebizitza berriak eraiki behar izan ziren, urtegiak hainbat herri urez bete zituelako.

Erliebea nahiko gorabeheratsua da, mendi malkartsuak probintziaren mendebaldean (3.105 metroko Shennongding esaterako) eta haran zabalak. Klimak, Asiako montzoiak baldintzaturiko klima azpitropikalaren ezaugarriak dauzka. Eta uda garaian 35 gradutik gorako tenperaturako izaten dira.

Klima[aldatu | aldatu iturburu kodea]

Hubei probintziak klima azpitropikala dauka, urtaro desberdinetik. Neguko batez-besteko tenperatura gradu bakarrekoa da gunerik menditsuenetan, eta sei gradukoa gainontzeko eremuetan. Uda garaian tenperatura 24 eta 30 gradu artekoa izaten da, nahiz eta Wuhan hiriburuan termometroa 40 gradura hurbiltzera hel daitekeen.

Prezipitazio gehienak maiatzetik irailera bitartean ematen dira, Asia hego-ekialdeko montzoiarekin batera.

Banaketa administratiboa[aldatu | aldatu iturburu kodea]

Hubei probintzia, prefektura mailako hamabi hirik, Prefektura autonomo bat, azpiprefektura mailako hiru hiri, eta konderri mailako baso gune batek osatzen dute.

Mapa # Izena Txinera sinplifikatuz Pinyineraz Mota
HubeiMap.png
1 Wuhan 武汉市 Wǔhàn Shì Prefektura mailako hiria
2 Ezhou 鄂州市 Èzhōu Shì Prefektura mailako hiria
3 Huanggang 黄冈市 Huánggāng Shì Prefektura mailako hiria
4 Huangshi 黄石市 Huángshí Shì Prefektura mailako hiria
5 Jingmen 荆门市 Jīngmén Shì Prefektura mailako hiria
6 Jingzhou 荆州市 Jīngzhōu Shì Prefektura mailako hiria
7 Shiyan 十堰市 Suízhōu Shì Prefektura mailako hiria
8 Suizhou 随州市 Suízhōu Shì Prefektura mailako hiria
9 Xiangfan 襄樊市 Xiāngfán Shì Prefektura mailako hiria
10 Xianning 咸宁市 Xiánníng Shì Prefektura mailako hiria
11 Xiaogan 孝感市 Xiàogǎn Shì Prefektura mailako hiria
12 Yichang 宜昌市 Yíchāng Shì Prefektura mailako hiria
13 Enshi (Tujia eta Miao) 恩施土家族苗族自治州 Ēnshī Tǔjiāzú Miáozú Zìzhìzhōu Prefektura autonomoa

Prefektura mailako hiriez gain, Hubei probintzia ondoko azpiprefekturako hiriak;

  • Tianmen (天门市 Tiānmén Shì)
  • Qianjiang (潜江市 Qiánjiāng Shì)
  • Xiantao (仙桃市 Xiāntáo Shì)

Eta konderri mailako ondoko baso gunea:

  • Shennongjia (神农架林区 Shénnóngjià Línqū)

Demografia eta biztanleria[aldatu | aldatu iturburu kodea]

Probintziako etniarik ugariena Han etnia da, probintzian bizi den biztanleriaren %95a baino gehiago. Probintzian bizi diren etnia nagusiak honakoak dira:

Ekonomia[aldatu | aldatu iturburu kodea]

Hubeiko ekonomiaren ardatza nekazaritza eta industria dira. Nekazaritzan arroza eta arraina nagusitzen dira, tea, algodoia eta gariarekin batera.

Industrian, metalurgia, automobilgintza eta oihalgintza lantegiak daude, eta burdina, fosforoa, kuprea, urrea eta manganesoa ateratzen dira.

Politika[aldatu | aldatu iturburu kodea]

Hubei probintziako gobernadorea Li Hongzhong da. Txinako Alderdi Komunistak probintzian duen ordezkaria Luo Qingquan da.

Garraioa[aldatu | aldatu iturburu kodea]

Aireportuak[aldatu | aldatu iturburu kodea]

Kokapen Hiria NAZE NAGE Aireportuaren izena
HUBEI
Enshi ZHES ENH Enshi Aireportua
Shashi ZHSS SHS Shashi Aireportua
Wuhan ZHHH WUH Wuhan Tianhe Nazioarteko Aireportua
Xiangfan ZHXF XFN Xiangfan Aireportua
Yichang ZHYC YIH Yichang Aireportua
Zhijiang HJJ Zhijiang Aireportua

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Hubei Aldatu lotura Wikidatan


Geografia
Txinako Herri Errepublika
Artikulu hau Txinako geografiari buruzko zirriborroa da. Wikipedia lagun dezakezu edukia osatuz.