Ilunpeen bihotzean

Ilunpeen bihotzean
	Iñaki Ibañez itzultzailea, Conraden "Ilunpeen bihotzean" obrako pasartea irakurtzen.
Datuak
Idazlea	Joseph Conrad (1899)
Argitaratze-data	1902
Generoa	Eleberria
Jatorrizko izenburua	Heart of Darkness
Herrialdea	Erresuma Batua
Orrialdeak	96
OCLC	16100396
Euskaraz
Izenburua	Ilunpeen bihotzean
Itzultzailea	Iñaki Ibañez San Roman
Argitaratze-data	2014
Bilduma	Urrezko biblioteka
Orrialdeak	140
ISBN	978-84-9027-301-2

Ilunpeen bihotzean (ingelesez: Heart of Darkness) Joseph Conrad idazlearen eleberririk ospetsuena da, 1902an argitaratua. Idazlea sei hilabetez egon zen Belgikako Leopoldo II.a erregeak suntsitutako Kongon, eta egonaldi horretan oinarrituta dago liburua.

Eleberrian Charlie Marlow marinel zaharrak, urte batzuk lehenago, Kurtz jaunaren bila Kongo ibaian zehar egindako ibilaldia kontatzen du. Kurtz boli-ustiategi bateko nagusia zen eta Kurtzekiko topaketa jarrera kolonialista hipokritaren baieztapena izango da. Halaber, kolonialismoaren zuribidea (gurutzada moral eta merkataritzakoa zela) guztiz gezurtatuta geratuko da.

Francis Ford Coppola eleberri honetan inspiratu zen Apocalypse Now filmaren gidoia prestatzean. Gaur egun ere, eleberriak film eta telesail ugari inspiratzen ditu.