Israel Folau

Israel Folau
	Irudi gehiago
Bizitza
Jaiotza	Sydney, 1989ko apirilaren 3a (35 urte)
Herrialdea	Australia
Hezkuntza
Heziketa	Marsden State High School (en) ; Westfields Sports High School (en) ; Lurnea (en)
Hizkuntzak	ingelesa
Jarduerak
Jarduerak	Australian rules football player (en) , hamahiruko errugbilaria eta hamabosteko errugbilaria
Posizio edo espezialitatea	hegalekoa
Pisua	97 kilogramo
Sinesmenak eta ideologia
Erlijioa	Mendekostismoa; mormonismoa
	israelfolau.com

Israel Folau (tongeraz: Isileli Folau; Minto, Hegoaldeko Gales Berria, 1989ko apirilaren 3a) australiar errugbilaria da, bai hamahiruko errugbian, bai hamabostekoan, aritu dena. Japoniako Errugbi Ligako Urayasu D-Rocksen jokatzen du 2021etik, hegaleko eta erdiko postuetan, eta Tongako selekzioan 2022tik.^[1]

Hamahiruko errugbian eta australiar futbolean jokatu ostean, hamabosteko errugbiko New South Wales Waratahsek kontratatu zuen 2013an. Urte bereko ekainaren 22an egin zuen debuta Australiako selekzioarekin, Brisbanen, British and Irish Lionsen aurka;^[2] 2013-2019 bitartean, 73 partida jokatu zituen Australiako talde nazionalarekin.

2019an, Australiako Errugbi Federazioak eten zuen haren kontratua, sare sozialetan mezu homofoboak argitaratu zituelako. 2020an hamahiruko errugbian jokatu zuen, Perpinyàko Dragons Catalans taldean, eta 2021ean hamabostekora itzuli zen, Japoniako Urayasu D-Rocksek kontrataturik. 2021ean World Rugbyk hautagarritasun arauak aldatu baitzituen, Tongako selekzioarekin jokatzeko aukera dauka, bere arbaso batzuk herrialde horretakoak direlako.^[3]