Edukira joan

Australiako errugbi selekzioa

Wikipedia, Entziklopedia askea
Artikulu hau Australiako gizonezkoen selekzioari buruzkoa da; emakumeen selekzioa gaitzat duena beste hau da: «Australiako emakumezkoen errugbi selekzioa»
Australiako errugbi selekzioa
IzengoitiaWallabies
ElkarteaAustralian Rugby Union
EstadioaStadium Australia
HautatzaileaJoe Schmidt
KapitainaHarry Wilson
Partida gehienJames Slipper (143)
Puntu gehienMichael Lynagh (911)
Entsegu gehienDavid Campese (64)
taldearen koloreak taldearen koloreak taldearen koloreak
taldearen koloreak
taldearen koloreak
Lehenbizikoa
taldearen koloreak taldearen koloreak taldearen koloreak
taldearen koloreak
taldearen koloreak
Bigarrena
Lehenbiziko partida
Australia 13-3 British Lions
Sydney, 1899ko ekainak 24
Garaipenik handiena
Australia Australia 142-0 Namibia Namibia
Adelaide, 2003ko urriak 25
Porrotik handiena
Hegoafrika Hegoafrika 53-8 Australia Australia
Johannesburg, Hegoafrika, 2008ko abuztuak 30a
Munduko Errugbi Kopa
Parte hartzeak9 (aurrenekoa 1987an)
Posturik onenaIrabazlea 1991n eta 1999an

Australiako errugbi selekzioa edo Wallabiak Australiaren ordezkaria da gizonezkoen errugbi partida ofizialetan. Munduko talde onenen artean dago, eta bi aldiz irabazi du Munduko Errugbi Kopa: 1991n eta 1999an.[1] Urtero The Rugby Championship txapelketan parte hartzen du, Argentina, Hegoafrika eta Zeelanda Berriarekin.

Historia

[aldatu | aldatu iturburu kodea]

1839ko uztailaren 25ean jokatu zen lehenbiziko errugbi partida Australian. Federazioa, Southern Rugby Football Union, 1874an eratu zen,[oh 1] eta 1899an jokatu zuen Australiako selekzioak lehenbiziko partida, biran zebilen British and Irish Lions selekzioaren aurka, eta baita irabazi ere: 13-3. Birako beste hiru partidetan, ordea, britainiarrak gailendu ziren.[2]

1903an jokatu zuen Australiak lehenbiziko test-partida All Blacksen aurka, Sydneyn, 30.000 ikusleren aitzinean; Zeelanda Berriak irabazi zuen, 3 eta 22.[3] 1907an, Hegoaldeko Gales Berriko hamahiruko errugbiko liga sortu zen. 1908an, Australiako selekzioak lehenbiziko bira egin zuen Britainia Handian eta Ipar Amerikan barrena. Kazetari ingelesek "untxiak" ezizena ipini zieten, baina australiarrek "wallabiak" deitzea nahiago izan zuten.[4]

Lehen Mundu Gerrak oso eragin negatiboa izan zuen Australiako errugbian. Hegoaldeko Gales Berrian eta Queenslanden hamabosteko errugbiko lehiaketa guztiak bertan behera geratu ziren, jokalari anitz armadan erroldatu zirelako: 5000 errugbilari inguru joan ziren gerrara, eta 500 hil ziren. Hamahiruko errugbiko lehiaketek, berriz, ez zuten etenik izan eta, bai jokalarien, bai zaleen arreta lortu zuten. Harrezkero, hamahiruko errugbia nagusi da Australiako bi estatu horietan.[4][5]

Queenslanden 1929 arte ez ziren lehiaketak berriz hasi, eta Hegoaldeko Gales Berriko Waratahs izan zen Australiako ordezkari bakarra 1920ko hamarkada osoan. Australiaren eta Zeelanda Berriaren arteko lehia funtsezkoa izan zen zaleen interesa bizirik mantentzeko.[4] 1932an, Bledisloe Kopa jokatzen hasi zen bi selekzioen artean.

Australiaren eta Hegoafrikaren arteko lehenbiziko partida, Lurmutur Hiria, 1933ko uztailak 8

1933an egin zuten Wallabiek lehenbiziko bira Hegoafrikan. Bost test-partida jokatu zituzten bertako selekzioaren aurka: hiru galdu eta bi irabazi.[4] Hurrengo urtean, aurreneko aldiz irabazi zuten Bledisloe Kopa, 25 eta 11, Sydneyn.[6] 1939an, Britainia Handira joan ziren zenbait partida jokatzera, baina Bigarren Mundu Gerraren hasierak bertan behera utzarazi zuen bira.[4]

Bigarren Mundu Gerraren ondoan, jokalari batzuk hamahiruko errugbira pasatu baziren ere, hamabostekoak hainbatean eutsi zion. Ozeano Bareko herrialdeetan talde indartsuak sortu baitziren, partida interesgarriak jokatzeko aukerak handitu zitzaizkion Australiako selekzioari. 1952an, fijiarrek Sydneyko errugbizaleak liluratu zituzten beren joko bizi eta ez ortodoxoarekin,[oh 2][7] eta 1973an Australiak lehenbiziko test-partida jokatu zuen Tongaren aurka. 1979an, berriz, Wallabiek aurreneko bira egin zuten Argentinan.[4]

Australia eta Argentinaren arteko partida, Velez Sarsfield, 1987ko azaroak 7.

1980an, Bledisloe Kopa laugarren aldiz irabazi zuen Australiako taldeak. Garai bikain baten hasiera izan zen. 1984an Europan zehar egindako itzulian, bere lehenbiziko Grand Slama erdietsi zuen, Ingalaterra, Eskozia, Gales eta Irlanda azpiraturik. Besteak beste, Mark Ella, David Campese, Michael Lynagh, Nick Farr-Jones eta Simon Poidevin zeuden talde gazte hartan.[8] 1987an Australiak eta Zeelanda Berriak antolatu zuten lehenbiziko Munduko Errugbi Kopa; finalera iristeko faboritoak baziren ere, Frantziak kanporatu zituen Wallabiak finalerdietan.[9]

1990eko hamarkada urrezko aroa izan zen Australiako talde nazionalarentzat. 1991n Ingalaterran jokatu zen Munduko Errugbi Kopa irabazi zuen, etxeko taldea 12 eta 6 mendean harturik. John Eales, Tim Horan, Jason Little, Phil Kearns eta Willy Ofahengaue aritu ziren Campese, Lynagh, Farr-Jones eta Poidevin beteranoen ondoan final gogoangarri hartan.[10]

1995eko Munduko Errugbi Kopan ipurdikoa hartu zuen, Ingalaterrak kanporatu baitzuen final laurdenetan.[11] Porrot hark min handia egin zion. Taldeak prestaketa areagotu, 1991n aritu ziren jokalariengan oinarrituta, eta lau urte geroago, Galesen, kopa berriz irabaztea lortu zuen.[12]

Australia eta Eskoziaren arteko partida 2017an; Will Geniak darama baloia.

XXI. mendean ere emaitza onak lortu ditu, besteak beste, palmaresean dituen lau The Rugby Championship txapelketak, azkena 2015ekoa.[13] Munduko Kopetan, berriz, 2011koan hirugarren egin zuen, eta 2015ekoan finalera iritsi zen arren, Zeelanda Berria nagusitu zitzaion, 34 eta 17.[14]

Uniformea

[aldatu | aldatu iturburu kodea]

Hasierako urteetan hainbat uniforme erabili zituen, baina gehienetan elastiko urdin argia eta galtza urdinak. 1928an, Hegoaldeko Gales Berriko eta Queenslandeko federazioek erabaki zuten elastiko horia eta galtza berdeak izatea Australiako talde amateurren kolore ofizialak. Hurrengo urtean, ordea, Zeelanda Berriaren aurka jokatzerakoan kolore berdeko elastikoa erabili zuen, eta hurrengo hamarkadetan ere berdearekin jarraitu zuen. 1961ean hartu ziren gaur egungo koloreak, txapelketetan Hegoafrikako selekziotik bereizteko.

Taldearen koloreak Taldearen koloreak Taldearen koloreak
Taldearen koloreak
Taldearen koloreak
　
1899-1904
Taldearen koloreak Taldearen koloreak Taldearen koloreak
Taldearen koloreak
Taldearen koloreak
　
1905-1907
Taldearen koloreak Taldearen koloreak Taldearen koloreak
Taldearen koloreak
Taldearen koloreak
　
1908-1928
Taldearen koloreak Taldearen koloreak Taldearen koloreak
Taldearen koloreak
Taldearen koloreak
　
1929-1961
Taldearen koloreak Taldearen koloreak Taldearen koloreak
Taldearen koloreak
Taldearen koloreak
　
1961-etik

Palmaresa

[aldatu | aldatu iturburu kodea]

Munduko Errugbi Kopa

[aldatu | aldatu iturburu kodea]
Munduko Errugbi Kopa
Urtea Postua J I B G AT KT
Zeelanda Berria Australia 1987 Laugarrena 6 4 0 2 186 108
Ingalaterra Frantzia Irlanda Eskozia Gales 1991 Irabazlea 6 6 0 0 126 55
Hegoafrika 1995 Final laurdenak 4 2 0 2 109 66
Gales 1999 Irabazlea 6 6 0 0 221 73
Australia 2003 Finalista 7 6 0 1 345 78
Frantzia 2007 Final laurdenak 5 4 0 1 225 53
Zeelanda Berria 2011 Hirugarrena 7 5 0 2 211 95
Ingalaterra 2015 Finalista 7 6 0 1 222 118
Japonia 2019 Final laurdenak 5 3 0 2 152 108
Frantzia 2023 Multzo fasea 4 2 0 2 90 91
Denera 57 44 0 13 1887 845
     Irabazlea       Finalista       Hirugarrena       Laugarrena

The Rugby Championship

[aldatu | aldatu iturburu kodea]

Honako hauek dira The Rugby Championshipen lortutako emaitzak:

  • Txapelduna (4): 2000, 2001, 2011, 2015
  • Bigarrena (12): 1998, 1999, 2002, 2003, 2004, 2006, 2007, 2008, 2010, 2012, 2016, 2019
  • Bledisloe Kopa (12): 1934, 1949, 1979, 1980, 1986, 1992, 1994, 1998, 1999, 2000, 2001, 2002
    • Zeelanda Berria 52 -Australia 12
  • Mandela Challenge Plate (13): 2000, 2006, 2007, 2008, 2010, 2011, 2012, 2015, 2016, 2017, 2018, 2021, 2022
    • Australia 13 - Hego Afrika 8
  • Puma Trophy (13): 2000, 2002, 2012, 2013, 2014, 2015, 2016, 2017, 2018, 2019, 2020, 2021, 2022
    • Australia 13 - Argentina 2

Jokalarien errekorrak

[aldatu | aldatu iturburu kodea]

Partida gehien

[aldatu | aldatu iturburu kodea]
# Jokalaria Postua Urteak Partidak[15]
1 James Slipper harroin 2010- 141
2 George Gregan uztartze-erdilari 1994-2007 139
3 Stephen Moore orpokatzaile 2005-2017 129
4 Michael Hooper hirugarren lerroko hegal 2012-2023 125
5 Adam Ashley-Cooper erdiko-hegaleko 2005-2019 121
6 Nathan Sharpe bigarren lerroko 2002-2012 116
7 George Smith hirugarren lerroko hegal 2000-2013 111
8 Sekope Kepu harroin 2008-2019 110
Will Genia uztartze-erdilari 2009-2019
10 Rob Simmons bigarren lerroko 2010-2020 106

2024ko azaroaren 30ean eguneratua. Partida ofizialak bakarrik.

Entsegu gehien

[aldatu | aldatu iturburu kodea]
# Izena Postua Urteak J En[15]
1 David Campese hegaleko-atzelari 1982-1996 101 64
2 Chris Latham hegaleko-atzelari 1998-2007 78 40
3 Adam Ashley-Cooper erdiko-hegaleko 2005-2019 121 39
4 Israel Folau erdiko-hegaleko 2013-2018 73 37
5 Drew Mitchell hegaleko-atzelari 2005-2016 71 34
6 Tim Horan erdiko 1989-2000 80 30
Joe Roff hegaleko-atzelari 1995-2004 86
Lote Tuqiri hegaleko 2003-2008 67
Matt Giteau zabaltzaile-erdiko 2002-2016 103
10 Matt Burke atzelari 1993-2004 81 29
Stirling Mortlock erdiko 2000-2009 80

2024ko azaroaren 30ean eguneratua. Partida ofizialak bakarrik.

Tanto gehien

[aldatu | aldatu iturburu kodea]
# Izena Postua Urteak J T
1 Michael Lynagh zabaltzaile 1984-1995 72 911
2 Matt Burke atzelari 1993-2004 81 878
3 Matt Giteau zabaltzaile-erdiko 2002-2016 103 698
4 Bernard Foley zabaltzaile-atzelari 2013-2023 76 670
5 Stirling Mortlock erdiko 2000-2009 80 489
6 David Campese hegaleko-atzelari 1982-1996 101 315
7 James O'Connor zabaltzaile-erdiko 2008- 64 276
8 Paul McLean zabaltzaile-atzelari 1974-1982 30 260
9 Joe Roff hegaleko-atzelari 1995-2004 86 244
10 Quade Cooper[16] zabaltzaile 2008-2023 79 208

2024ko azaroaren 30ean eguneratua. Partida ofizialak bakarrik.

Oharrak

[aldatu | aldatu iturburu kodea]
  1. ↑ 1893an hartu zuen egungo izena: New South Wales Rugby Union
  2. ↑ Bi partida jokatu zituzten Australiak eta Fijik 1952an, biak Sydneyn. Lehenbizikoan Wallabiek 15 eta 9 irabazi zuten, eta bigarrenean fijiarrek, 15 eta 17.

Erreferentziak

[aldatu | aldatu iturburu kodea]
  1. ↑ Australia. Berria, 2015eko irailak 18, berria.eus (Noiz kontsultatua: 2025-1-14).
  2. ↑ 1899 – Australia. lionsrugby.com (Noiz kontsultatua: 2025-1-14).
  3. ↑ The New Zealand Footballers: Match Against Australia. The Sydney Morning Herald, 1903ko abuztuak 17, trove.nla.gov.au (Noiz kontsultatua: 2025-1-14).
  4. ↑ a b c d e f Australian Rugby - Its Origins and Evolution. australia.rugby (Noiz kontsultatua: 2025-1-14).
  5. ↑ Payten, Iain. Anzac Day: The champion team of war-weary soldiers that \"saved\" Australian rugby in 1919. rugby.com.au (Noiz kontsultatua: 2025-1-14).
  6. ↑ New Zealand vs Australia at Sydney Cricket Ground, Australia, Saturday, 11 August 1934. rugbymuseum.co.nz (Noiz kontsultatua: 2025-1-14).
  7. ↑ Kann, E. W.. Fiji's Spectacular Test Win; £7,000 Tour Profit. The Sun, 1952ko abuztuak 10, trove.nla.gov.au (Noiz kontsultatua: 2025-1-15).
  8. ↑ 1984 The Wallabies. Sport Australia Hall of Fame, sahof.org.au (Noiz kontsultatua: 2025-1-15).
  9. ↑ 1987: France 30-24 Australia. BBC Sport, news.bbc.co.uk (Noiz kontsultatua: 2025-1-15).
  10. ↑ Alduntzin, Koldo. Australia txapeldun Inglaterrak hobeki jokatu arren Twickenhamen. Euskaldunon Egunkaria, 1991ko azaroak 3, berria.eus (Noiz kontsultatua: 2025-1-15).
  11. ↑ 1995: England 25-22 Australia. BBC Sport, news.bbc.co.uk (Noiz kontsultatua: 2025-1-15).
  12. ↑ Alduntzin, Koldo. Australiak lau urteko lanaren saria. Euskaldunon Egunkaria, 1999ko azaroak 9, CC BY-SA 4.0, berria.eus (Noiz kontsultatua: 2025-1-15).
  13. ↑ Australia 27-19 New Zealand: Rugby Championship decider – as it happened. The Guardian, 2015eko abuztuak 8, theguardian.com (Noiz kontsultatua: 2025-1-15).
  14. ↑ Etxeberria, Julen. Kondaira, are handiagoa. Berria, 2015eko azaroak 1, CC BY-SA 4.0, berria.eus (Noiz kontsultatua: 2025-1-15).
  15. ↑ a b Wallaby Honours and Milestones. wallabies.rugby (Noiz kontsultatua: 2025-1-13).
  16. ↑ Sherman, Michael. Quade Cooper not missing home (dis)comforts of Australia in Japan. Iol, 2024ko apirilak 19, iol.co.za (Noiz kontsultatua: 2025-1-15).

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Australiako_errugbi_selekzioa&oldid=10031744"(e)tik eskuratuta