Australiako errugbi selekzioa

Australia
Etxean Kanpoan
Federakundea	Australian Rugby Union
Sortu:	1899
Ikurra:	Wallaby edo kanguru txikia
Izendapena:	Wallabies
Estadioa:	Stadium Australia
Entrenatzailea:	Michael Cheika
Kapitaina:	Michael Hooper
Estreinaldi Internazionala Hego Gales Berria 13:3 Britainiar Uharteak 1899ko ekainaren 24a
Garaipen Handiena Australia 142:0 Namibia 2003ko urriaren 25a
Porrot Handiena Hegoafrika 53:8 Australia 2008ko abuztuaren 30a
Munduko Errugbi Kopa
Partaidetzak	6 (aurrenekoa 1987an)
Emaitza Onena	Txapeldunak 1991 eta 1999an

Australiako taldea 2006an.

Australia eta Eskoziaren arteko partida 2017an.

Australiako errugbi selekzioa mundu mailako talde onenen artean dugu eta bi aldiz izan da Munduko txapelduna. Mundu mailan 2019ko sailkapenaren arabera seigarren postuan dago.

Historia

Sorrera

1882an Southern Rugby Football Union sortu zen 1892an etaurte berean Zeelanda Berrian bira bat egin zuen hango taldeen aurka. 1899an British and Irish Lions uharte britanikoetako selekzioa etorri zen Australiara eta orduan jokatu zuen lehen aldiz Australiako selekzioa, bai eta erraz irabzi ere, 13-3.

1907an Hegoaldeko Gales Berriko liga eratu zen eta hurrengo urtean bertako jokalariek osaturiko selekzio bat Ingalaterrara eorri zen partidak jokatzera. Kazetari ingelesek "untxiak" ezizena ipini zieten, baina australiarrek "wallabiak" nahiago izan zuten. 1932an Bledisloe Kopa hasi zen jokatzen Australia eta Zeelanda Berriaren artean. Bi urtetik behin jokatzen zen eta gehienetan Zeelanda Berria nagusitu zen.

90eko hamarkada: Urrezko aroa

Australiaren garai onena 1990 hamarkadan hasi zen. Bost Bledisloe Kopa jarraian irabazteaz gain Munduko bi Errugbi Txapelketa ere irabazi zituen, biak ere Europan jokaturikoak.

XXI. mendea

XXI mendean ere emaitza bikainak lortu ditu, besteak beste palmaresean dituen lau Rugby Championship txapelketak, azkena 2015ekoa. Hego Afrikaren aurka jokatzen duen Mandela Challenge Plate txapelketan ere nagusi da. 2011ean hirugarren egin zuen Munduko Txapelketan eta 2015eko Txapelketan finalera iritsi zen baina Zeelanda Berriak irabazi zuen kopa.

Uniformea

Hasierako urteetan hainbat kolore erabili izan zituen baina gehienetan elastiko urdin argia eta galtza urdinak erabili izan zituen. Australiako amateur taldeak elastiko horia eta galtza berdeak erabiltzen zituen eta 1928an Australiaren kolore ofizialak izatea erabaki zen. Hurrengo urtean ordea Zeelanda Berriaren aurka jokatzerakoan kolore berdeko elastikoa erabili zuen eta hurrengo hamarkadetan berdearekin jarraitu zuen. 1961 urtean hartu ziren gaur egungo koloreak, txapelketetan Hegoafrikako selekziotik bereizteko.

Historikoak

1899-1904

1905-1907

1908-1928

1929-1961

1961-etik

Uniformearen bilakaera

1984-1989	1989-1996	1997-1999	1999-2004	2005-2007	2010-2011
2015-2016	2017-2018	2019-

Palmaresa

Munduko Errugbi Txapelketa

Honako hauek dira Munduko Errugbi Txapelketan izandako emaitzak:

Urtea	Antolatzailea	Postua
1987	Zeelanda Berria Australia	4.a
1991	Europako 5 herrialde	Txapelduna
1995	Hegoafrika	Final 1/4ak
1999	Gales	Txapelduna
2003	Australia	Finalista
2007	Frantzia	Final 1/4ak
2011	Zeelanda Berria	3.a
2015	Ingalaterra	Finalista
2019	Japonia	7.a

Hegoaldeko Rugby Championship

Honako hauek dira Hegoaldeko Rugby Championship-eko emaitzak:

• Txapelduna (4): 2000, 2001, 2011, 2015
• Bigarrena (12): 1998, 1999, 2002, 2003, 2004, 2006, 2007, 2008, 2010, 2012, 2016, 2019
• Bledisloe Kopa (12): 1934, 1949, 1979, 1980, 1986, 1992, 1994, 1998, 1999, 2000, 2001, 2002
  • Zeelanda Berria 49 -Australia 12
• Mandela Challenge Plate (12): 2000, 2006, 2007, 2008, 2010, 2011, 2012, 2015, 2016, 2017, 2018, 2021
  • Australia 12 - Hego Afrika 6
• Puma Trophy (12): 2000, 2002, 2012, 2013, 2014, 2015, 2016, 2017, 2018, 2019, 2020, 2021
  • Australia 12 - Argentina 0

Olinpiar Jokoetan

Olinpiar Jokoetan Zazpiko Errugbia jokatzen hasi zen 2016an.

• Emakumezkoak:
  • Txapelduna (1): 2016

Kanpo estekak

• (Ingelesez) Australiako errugbi federazioa

• Datuak: Q622443
• Multimedia: Australia national rugby union team