Italiako Ministroen Kontseiluko Lehendakaria

Wikipedia, Entziklopedia askea
Italiako Lehen Ministroa» orritik birbideratua)
Jump to navigation Jump to search
Italiako Ministroen Kontseiluko Lehendakariaren bandera.

Italiako Ministroen Kontseiluko Lehendakaria (italieraz, Presidente del Consiglio dei Ministri) herrialde horretako gobernuburua edo gobernuko lehendakaria da. Kargu hau estatu mailako bost garrantzitsuenetako bat da, beste herrialdeetan Lehen Ministro izena jasotzen du kargu hau duenak. Hala ere, kontseiluko lehendakariak beste estatuetako gobernuburuek baino ahalmen gutxiago du.

Ministroen Kontseiluko Lehendakaritza italiar konstituzioan aipamena duen kargu bat da, konstituzio horretako 92, 93, 94, 95 eta 96 artikuluek onesten dute bere izatea. Errepublikako Lehendakaria, hau da, estatuburua da, Kontseiluko Lehendakaria izendatzearen arduraduna.

Eginkizunak[aldatu | aldatu iturburu kodea]

Karguak berez dituen eginkizun eta botereetaz gain, Gobernuko partaidea denez, Ministroen Kontseiluko Lehendakaria da Gobernuko ministroen zerrenda Errepublikako Lehendakariari ematearen arduraduna. Gainera, Errepublikako Lehendakariak igorritako legezko aginduak berresten ditu.

Italiako Errepublikako Konstituzioko 95. artikuluak hurrena adierazten du: "Ministroen Kontseiluko Lehendakariak Gobernuaren politika orokorra gidatzen du"; ahalmen edo botere hau aldakorra da, ministroen eraginak eta ministro hauek ordezkatzen dituzten alderdien eraginak baldintzatzen du.

Gehienetan, Kontseiluko Lehendakariaren eginkizuna alderdi ezberdinek ordezkatzen dituzten jarreren bitartekari izatea da (Gobernua koalizio batek osatzen duenean). Ministroen Kontseiluak dituen eginkizunekin baina gehiago kezkatu behar da aurretik aipatu dugunarekin. Bere agintea nahiko mugatuta dago, izan ere, ezin ditu, arrazoi justifikatu batengatik ez bada, adostasun faltarengatik ministroak kanporatu.

Gobernuburua[aldatu | aldatu iturburu kodea]

Sakontzeko, irakurri: «Italiako lehen ministroen zerrenda»

1861etik gaur egunera bitartean, Ministroen Kontseiluko Lehendakaria Italiako gobernuburua izan da. Estatuburuak hautagaia hautatu eta izendapena ematen dion arren, Italiako Parlamentuaren babesa behar du kargura iristeko.

Ikus, gainera[aldatu | aldatu iturburu kodea]