Izazpi

Izazpi
Datu orokorrak
Garaiera	972 m
Mota	mendi
Geografia
Mendikatea	Izazpi-Samiñoko mendilerroa
Herrialdea	Euskal Herria
Probintzia	Gipuzkoa
Mendizaletasuna
Ohiko bidea	Zumarragako Antio baselizatik goruntz doan bidetik.
Mendikat	Mendikat
Luberri	Luberri

Izazpi Gipuzkoako mendia da, Zumarraga, Azpeitia, Ezkio eta Itsaso artean kokatua. 972 metroko altuera du eta Beloki mendiaren alboan dago. Eguraldi ona eginez gero, tontorretik Kantauri itsasoa eta Pirinioak ikus daitezke.

1990ean, Euskal Mendizale Federazioaren mendien katalogoan Izazpe izenarekin agertu zen; katalogo horrek Euskaltzaindiaren Onomastika batzordearen oniritzia jaso zuenez, eragin handia izan zuen, eta halaxe agertu izan zen 18 urtez. 2008ko uztailean, ordea, Euskaltzaindiak euskara batuan Izazpi zela erabaki zuen.

Izazpiren aipamen zaharrena 1529ko urtekoa da, Amojonamiento de los términos de Velerayn entre Azpeitia e Çumarraga izeneko dokumentuko bi esaldi hauetan:

«

[...] el dho çerro llamado Yçaspi [...] [...] en el termino llamado Yçaspi ydoya [...]

»

Euskara zaharrean, idoia izenak «urmaela» edo «putzua» esan nahi du, eta zalantzarik gabe bi gurutzeen artean diren putzuez ari ziren.

Abiapuntuak

• Zumarraga (Ordu 1 eta 30 min.): Antiguako ermitatik, 495 metrotatik.
• Aratz-Matxinbenta (2 ordu): 120 metrotan abiatuta, Beasain eta Urrestilla arteko errepidean.
• Mandubiko mendatea (Ordu 1 eta 45 min.): 532 metrotan abiaturik. Beasain eta Azpeitia arteko errepidean.
• Ezkio ( 437 m ): Atxurtxako mendi-lepotik ( 633 m ).

Gurutzea

1948ko ekainean inaugurtau zuten, Carlos Linazasoro "Altzeta"-ren ekimenez eraikia, EAJren eta mendizaletasunaren propagandista aktiboa izan zena. "Pakea eta maitasuna" esaldia grabatuta dago bertan.

Ikus, gainera

• Izazpiko mendilerroa
• Beloki
• Irimo
• Samiño

Kanpo estekak

• Datuak: Q12259982
• Multimedia: Izazpi (mountain) / Q12259982