Jacques Roubaud

Jacques Roubaud
	; (2010) Irudi gehiago
Centre international de poésie Marseilleko presidentea	; 1992 - 1997 - Michel Deguy →
Centre international de poésie Marseilleko presidentea
Bizitza
Jaiotza	Caluire-et-Cuire, 1932ko abenduaren 5a (91 urte)
Herrialdea	Frantzia
Lehen hizkuntza	frantsesa
Familia
Aita	Lucien Roubaud
Ama	Suzanne Roubaud
Ezkontidea(k)	Sylvia Roubaud (en) ; Alix Cléo Roubaud (en)
Hezkuntza
Heziketa	Rennesko Unibertsitatea ; Parisko Zientzien Fakultatea ; (1954 - 1958)
Doktorego ikaslea(k)	Valérie Beaudouin (en)
Hizkuntzak	frantsesa
Jarduerak
Jarduerak	matematikaria, poeta, itzultzailea, antzerkigilea, musika-irakaslea eta idazlea
Enplegatzailea(k)	European Graduate School (en) ; Paris Nanterre Unibertsitatea ; Gizarte Zientzietako Goi Mailako Ikasketen Eskola ; Rennesko Unibertsitatea (1958 - 1970)
Jasotako sariak	ikusi Grand prix national de la poésie ; America Award in Literature (1999) ; Fénéon Prize (1968) ; Grand prix de littérature de la SGDL (1994) ; Prix France Culture (1986) ; Arte eta letren komendadorea (2014ko uztailaren 9a) ; Grand prix de littérature Paul-Morand (2008) ;
Kidetza	Oulipo

Jacques Roubaud (Caluire-et-Cuire, Rodano, Frantzia, 1932ko abenduaren 5a) frantsesezko idazlea, itzultzailea eta matematikaria da.

Bizitza

Matematikako irakasle gisa hasi zen, baina berehala erakutsi zuen literaturarako zaletasuna, Voyage du soir (1952, Gaueko bidaia) bere lehen lanak erakusten duenez. Matematiketan eta poesian oinarritu du bere jarduera, hortaz, baina hala ere, eta egileak berak esandakoaren arabera, Roubaudentzat matematika eta poesia urruneko jarduerak, eta elkarren kontrakoak ia, izan dira biak, harik eta Raymond Queneau idazle eta matematikaria ezagutu zuen arte. Hala, Roubaudek OuLiPo (Ouvroir de Littérature Potentielle, "literatura potentzialeko lantegia"), Patafisikako kolegioko irakasleek 1960an sorturiko taldearekin bat egin zuen.

Roubauden obran idazketa konbinatoria baten moduan agertzen da, eta bere aukera guztiak iker daitezke joko logiko eta tipografikoen bidez. Horrela Matematika lanean (1977), parentesien aljebra aplikatzen dio kontakizunari. Matematika erabiltzen duen eleberrien artean aipagarriak dira Hortense ederra (1985) eleberri politikoa eta Le Grand Incendie de Londres (1990, Londresko sute handia). Olerkigintzan berriz, ezagunak ditu Trente et Un au cube (1974, Hogeita hamaika ber bi) eta Quelque chose noir (1986, Zera beltza). Roubaudek ALAMO (Atelier de Littérature Assistée par la Mathématique et les Ordinateurs) taldea sortu zuen beste egile batzuekin batera, eta matematikaz eta ordenagailuz lagunduriko literatura egiten dute lantegi horretan. Itzulpen-lanei dagokienez, hainbat egile eta alor landu ditu, hasi trobadoreen lanetatik eta Lewis Carroll idazlearen lanetaraino; japoniar olerkaritzarekin ere saiatu da, eta antzerkia ere itzuli du.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q726687
Multimedia: Jacques Roubaud / Q726687