Jean Mabillon

Jean Mabillon
	; Irudi gehiago
Bizitza
Jaiotza	Saint-Pierremont, 1632ko azaroaren 23a
Herrialdea	Frantzia
Heriotza	Paris, 1707ko abenduaren 27a (75 urte)
Hobiratze lekua	Saint-Germain-des-Présko abadetxea
Hezkuntza
Heziketa	University of Reims (en)
Hizkuntzak	latina; frantsesa
Jarduerak
Jarduerak	historialaria, teologoa, artxibozaina eta idazlea
Kidetza	Académie des Inscriptions et Belles-Lettres
Izengoitia(k)	Un Bénédictin, Eusebius Romanus eta Un Religieux bénédictin de la Congrégation de Saint-Maur
Sinesmenak eta ideologia
Erlijioa	Erromatar Eliza Katolikoa
Erlijio-ordena	Congregation of St. Maur (en)

Jean Mabillon (Saint-Pierremont, Frantzia, 1632ko azaroaren 23a - Paris, Frantzia, 1707ko abenduaren 27a) frantziar historialari beneditarra eta diplomatikaren sortzaile izan zen.

Biografia

Antzinako eskuizkribuei buruzko azterketak eta argitalpen kritikoak egin zituen lehenetakoa izan zen. Bere nagusiek eskatuta, Daniel van Papenbroeck jesuita bolanistak, Saint-Denisko abadiako zenbait foruren benetakotasuna zalantzan jartzen idatzitakoari erantzunez, De re diplomatica (1681, "Diplomatikaz") idatzi zuen, bere biziko garrantzia hartuko zuen lana, ondorengo historiografian.^[1]. Liburu horretan, dokumentuak benetakotzat egiaztatzeko eta datatzeko baliabideak proposatu zituen, merovingiar diplomak alderatu zituen elkarren artean edo garai desberdinetako beste testu batzuekin, XIV eta XV mendeetakoak, bere lan horrek diplomatika eta paleografia latinoa sortu zituen.

Ondoren, Colberten babespean, Borgoinara (1682) bidaiatu zuen, gero Suitza eta Alemaniara (1683) koroaren historiari buruzko dokumentuak bildu eta autentifikatzeko, eta ondoren Frantziako Elizarenari buruzkoak. Misioaren helburua alemaniar monasterioetatik frantziar politikarako interesgarriak ziren dokumentuak kopiatzea eta Rhineko liburutegietan monarkiari buruz zeuden dokumentuen zerrenda egitea zen. Reimseko artzapezpiku Charles-Maurice Le Tellier ere Mabillonen miresle handia bihurtu zen, eta 1685ean erregeak Italiako liburutegi nagusiak bisitatzeko ardura eman zion, Errege Liburutegirako liburuak eta eskuizkribuak eskuratzeko.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ (Gaztelaniaz)BLOCH, Marc.- Apologia para la historia o el oficio de historiador.- Mexico : FCE, 2001. ISBN 978-968-16-6030-7. orr.120

Ikus, gainera

Mabillon (Parisko metroa)

Kanpo estekak

Datuak: Q354563
Multimedia: Jean Mabillon / Q354563

Artikulu hau Frantziako biografia baten zirriborroa da. Wikipedia lagun dezakezu edukia osatuz.

[1] (Gaztelaniaz)BLOCH, Marc.- Apologia para la historia o el oficio de historiador.- Mexico : FCE, 2001. ISBN 978-968-16-6030-7. orr.120

[1]