José Perula y de la Parra

Wikipedia, Entziklopedia askea
Hona jauzi: nabigazioa, Bilatu
José Perula y de la Parra
Bizitza
Jaiotza Sesma1830
Herrialdea  Nafarroa Garaia, Euskal Herria
Heriotza 1881 (50/51 urte)
Lanbidea
Lanbidea militarra

José Perula y de la Parra (Sesma, 1830 - Baños de Mondariz, Coruña, 1881) Nafar jeneral karlista izan zen. Karlos erregegaiaren zalditeriaren kapitaina zen 1855. urtean, baina atxilo hartu eta Kubara bidali zuten soldadu. 1858. urtean itzuli zen, amnistia baten ondorioz, eta Marokora jo zuen borrokatzera, urte berean. San Carlos de la Rápitako Matxinadan kapitain izendatu zuten, baina matxinada-ahaleginak huts egin zuenean, Corellara etorri zen notario.

1868. urteko iraultzan Elisabet II.arekin erbesteratu zen, baina Karlos Borboikoaren agindupean jarri zen Parisen. Ez zuen Zornotzako Ituna onartu, eta, berriro ere, erbesteratu zen, baina Ollo brigadierrarekin itzuli zen 1872an. Allo, Lizarra, Somorrostro, Kalagorri eta Lakarreko Guduetan parte hartu zuen, eta guztietan garaile suertatu zen; ondorioz, jeneral izendatu zuten 1875ean. Urte horretan bertan, Trebiñu eta Ugaoko Guduak galdu zituen, eta dimisioa eman zuen. 1876. urtean, berriz, Mañerun gailendu zitzaien liberalei, baina Frantziara erbesteratu behar izan zuen, hirugarrenez.

Erreferentziak[aldatu | aldatu iturburu kodea]