Juan Carlos Wasmosy

Juan Carlos Wasmosy
	; Irudi gehiago
Paraguaiko presidente	;
Paraguaiko presidente
Bizitza
Jaiotzako izen-deiturak	Juan Carlos María Wasmosy
Jaiotza	Asuncion, 1938ko abenduaren 15a (86 urte)
Herrialdea	Paraguai
Hezkuntza
Heziketa	Asunciongo Unibertsitate Nazionala
Hizkuntzak	gaztelania
Jarduerak
Jarduerak	politikaria, ingeniari zibila eta ekintzailea
Altuera	1,88 metro
Jasotako sariak	ikusi Galiziako Urrezko Domina (1995) ; Grand Collar of the Order of Prince Henry ; Medal of the Oriental Republic of Uruguay (1996ko ekainaren 12a) ; Ohorezko Legioko gurutze handia (1995eko abenduaren 18a) ;
Sinesmenak eta ideologia
Alderdi politikoa	Colorado alderdia

Juan Carlos María Wasmosy Monti (Asunción, 1938ko abenduaren 15a) paraguaitar politikaria da. Errepublikako lehendakaria izan zen 1993-1998 bitarteko urteetan.

Bizitza

Ingeniaritzako ikasketak egin zituen Asuncióneko Unibertsitate Nazionalean. Itaipuko presa eta zentral hidroelektrikoaren eraikuntzaz arduratu zen enpresa partzuergoko lehendakari izan zen, eta Yaziretako konplexu hidroelektrikokoa ere bai.

Alfredo Stroessner diktadorearen agintaldiaren (1954-1989) amaiera ekarri zuen estatu-kolpearen ondoren, Andrés Rodríguez Pedotti jeneralaren gobernuak (1989-1993) Integrazio-ministro izendatu zuen, Paraguaiko merkataritza-harremanak bultzatzeko eta herrialdearen aurrerabidea azkartzeko eta indartzeko. Alderdi Gorriaren lehendakarigai izendatu zuten, eta 1993ko hauteskundeak irabazi zituen. Demokraziarik ia ezagutu ez zuen herri baten aldaketa bultzatu zuen, eta nazioarteko irudia garbitzen ahalegindu zen.

1996ko apirilean militarrak aginpidea indarrez hartzen saiatu ziren, Lino César Oviedo jeneralaren gidaritzapean. Urtebete geroago, urriaren 30ean, lehendakariak Oviedo atxilo hartzeko agindua eman zuen, hilabete lehenago Oviedok lehendakaritzarako hurrengo hauteskundeetarako Alderdi Gorriaren lehendakarigaia izenda zezatela lortu ondoren. 1997ko abenduan Oviedok bere burua entregatu zuen poliziaren aurrean, eta hurrengo urtean epaitegi militar batek hamar urteko kartzela-zigorra ezarri zion. 1998ko maiatzeko lehendakaritzarako hauteskundeetan Alderdi Gorriko hautagai berria, Raúl Cubas Grau, atera zen garaile.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q376549
Multimedia: Juan Carlos Wasmosy / Q376549