Juan Garbizu

Juan Garbizu
Bizitza
Jaiotza	Lezo, 1893ko uztailaren 5a
Herrialdea	Gipuzkoa, Euskal Herria
Heriotza	Errenteria, 1930eko martxoaren 23a (36 urte)
Hezkuntza
Hizkuntzak	gaztelania; euskara
Jarduerak
Jarduerak	idazlea
Izengoitia(k)	Zubigar

Juan Garbizu (Lezo, Gipuzkoa, 1893ko uztailaren 5a - Errenteria, Gipuzkoa, 1930eko martxoaren 23a), «Zubigar» ezizenez (norberaren abizenaren silabei buelta emanda),^[1] euskal idazle eta itzultzailea izan zen.

Bizitza

Zeruko Argia, Euskal Esnalea, Argia, Arantzazu eta Argentinako La Baskonia agerkarietan eman zituen argitara lan aipagarrienak. Obra nagusiak hauek dira: Ostegun Deuna (1924) olerkia, Euskera arrobitzat (1924) olerkia, Cervantesen Kixote (IX. kapituluaren itzulpena, 1928), La señora Cornelia Cervantesen liburuaren itzulpena (1928), Txori ausarditsuak (1929) ipuina, eta Aizkorri eta itsasoa (1929) bakarrizketa. Buenos Airesko Euskaltzaleak elkarteko lehen idazkaria izan zen.

1930wan, Errenteriara lanera zihoala (Real Compañía Asturiana enpresan zuen lanpostua bertan) tren batek harrapatu eta hil zuen.^[2]

Daniel Garbizu eta Tomas Garbizuren anaia zen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.