Kanariar palmondo

Wikipedia, Entziklopedia askea
Jump to navigation Jump to search
Kanariar palmondo
Phoenix canariensis AK.jpg
Iraute egoera

Arrisku txikia (IUCN 3.1)
Sailkapen zientifikoa
ErreinuaPlantae
OrdenaArecales
FamiliaArecaceae
LeinuaPhoeniceae
GeneroaPhoenix
Espeziea Phoenix canariensis

Kanariar palmondoa (Phoenix canariensis) Arecaceae familiako palmondo bat da, jatorria Kanariar Uharteetan duena. Datil-palmondoaren (Phoenix dactylifera) hurbileko senidea da.

Kanariarekin batera, Kanarietako ikur ofizialetako bat da.

Ezaugarriak[aldatu | aldatu iturburu kodea]

Hosto iraunkorreko zuhaitz handia da kanariar palmondoa: 20 m garai izatera izan daiteke. Adaburua tamaina handikoa da, eta hosto -palma- luze eta ugari ditu.

Zurtoina – Azala[aldatu | aldatu iturburu kodea]

Palmondoaren zurtoin luze eta bakarrak estipe izena du. Enborra gorantz hazten da -palmondo mota guztietan bezala-, eta ez zeharka; hori dela eta, palmondo guztiek enbor bakarra eta luzea dute, baina ez alboko adarrik. Gorantz bakarrik hazten da, ez zabalean.

Zurtoinak zartadura horizontalak ditu: azpiko hostoek erortzean, utzitako seinaleak dira. Azala marroi-grisa da.

Hostoak[aldatu | aldatu iturburu kodea]

Palmondoaren hostoak oso handiak eta pinatuak dira: 150-200 inguru foliolo dituzte -zurrunak eta puntazorrotzak-.

Loreak[aldatu | aldatu iturburu kodea]

Palmondo mota hau zuhaitz dioikoa da, eta panikula horiak, handiak eta zintzilikariak osatzen dituzte loreek.

Fruituak[aldatu | aldatu iturburu kodea]

Fruitua -drupa erakoa- laranja kolorekoa da, eta sorta ederretan sortzen da. Lehorra eta janezina da, eta urtebete behar du heltzeko.

Habitata[aldatu | aldatu iturburu kodea]

Kanariar Uharteetan du jatorria palmondo mota honek. Izotzik gabeko klima epelak, eta udaren eta neguaren artean tenperatura alde handirik ez duten klimak dituzte berezkoak palmondoek; hau da, klima tropikalak eta ekuatorialak.

Euskal Herrian lorategi batzuetan aurki ditzakegu, eguteran.

Erabilera[aldatu | aldatu iturburu kodea]

Lorategiak eta parkeak apaintzeko erabiltzen dira palmondo hauek. Kanariar uharteetan, eztia egiten dute loreekin, eta erratzak palmekin.

Erreferentziak[aldatu | aldatu iturburu kodea]

  • Artikulu honen edukiaren zati bat Botanika.wikispaces.com webgunetik hartu da, CC BY-SA 3.0 lizentziapean.


Wikimedia Commonsen badira fitxategi gehiago, gai hau dutenak: Kanariar palmondo