Kochi (India)

Kochi; കൊച്ചി; Cochin
	hiria
	Irudi gehiago
Administrazioa
Herrialdea	India
Estatua	Kerala
Izen ofiziala	കൊച്ചി
Jatorrizko izena	കൊച്ചി
Posta kodea	682
Geografia
Koordenatuak	9°58′N 76°17′E / 9.97°N 76.28°E
Azalera	94,88 km²
Altuera	0
Demografia
Biztanleria	677.381 (2011); 80.908 (2001)
Metropolia	2.117.990
Dentsitatea	7.139 bizt/km²
Informazio gehigarria
Telefono aurrizkia	0484
Ordu eremua	UTC+05:30
Hiri senidetuak	Piatigorsk eta Fresno
Matrikula	KL 7
	http://www.corporationofcochin.org

Kochi (malabareraz: കൊച്ചി), lehen Cochin, Indiako Kerala estatuko hiria da, herrialdearen hego-mendebaldean dagoena. Indiak Arabiako itsasoaren ertzean duen itsas portu garrantzitsuena da^[1]. Hiriak 601.574 biztanle ditu (2011^[2]) eta metropoli-eremuak 2.117.990^[3].

Historia

Antzinatean ere garrantzitsua zen. Indogrekoek, erromatarrek, juduek, arabiarrek eta txinatarrek ezagutzen zuten. 1102. urtean Kochiko Erresumako egoitza bihurtu zen: Arabiako itsasoko erregina esaten zioten hiriari. XIV. mendetik aurrera, espezien salerosketen merkataritzako gune garrantzitsua zen.

1503. urtean, portugaldarrek hartu zuten hiria, eta Portugaldar Indiaren hiriburua izan zen 1530. urtera arte. Orduan Goa ezarri zuten hiriburutzat. Gerora hiria Herbeheretar Inperiokoa (1663tik aurrera), Mysoreko erresumakoa (1777tik aurrera) eta Britainiar Inperiokoa (1814tik aurrera) izan zen. 1947. urtean Indiak independentzia lortu zuenean, Kochi izan zen entitate berrira bere borondatez lotu zen lehenengo lurraldea.

Milaka urtetan hainbat migrazio bizi izan dituen hiria izanik, kultura mordoa batzen dira Kochin, eta hiriko ondareak ere nahaste hori erakusten du, tradizioa eta modernitatea batuz.

Ekonomia

XXI. mendean hazkunde ekonomiko nabarmena izan duenez, hiriaren garapena ere handituz joan da. Garraioen industria, nazioarteko merkataritza, turismoa, informazio- eta komunikazio-teknologiak dira bertako jardunbide nagusiak. Izan ere, Keralako merkataritza-gune garrantzitsuena da Kochikoa, eta India osoan gehien eta azkarren hazten doan bigarren mailako hiria da. Horrenbestez, urbanizazio-arazoak ere badaude, trafikokoak eta ingurumenaren gaineko eraginari dagozkion arazoak batez ere.

Geografia

Indiako hego-mendebaldeko kostaldean dago Kochi, penintsula bateko iparraldean. Mendebaldera Arabiako itsasoa dauka, ekialdera estuarioak. Itsas mailan dago hiriaren eta metropoliaren parterik handiena, 48 kmko itsasertzarekin.

Administratiboki, 70 barruti daude hirian. Landarediari dagokionez, mangladitan aberatsa da; animaliei dagokienez, paseko hegazti askok egiten dute habia bertan.

Klima

Kochin montzoi-klima dago, tenperatura-gorabehera txikiekin urte osoan. Urtaro euritsuena ekaina-iraila bitartean izaten da.

Datu klimatikoak (Kochi)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	35	37	37	34	35	33	35	35	38	35	34	33	38
Batez besteko tenperatura maximoa (°C)	30	31	31	31	31	28	28	28	28	29	30	30	30
Batez besteko tenperatura minimoa (°C)	23	25	26	26	26	25	24	24	25	25	25	23	25
Erregistraturiko tenperatura minimoa (°C)	17	18	20	21	22	21	21	20	22	20	20	19	17
Pilatutako prezipitazioa (mm)	21.9	22.9	35.3	124.0	395.7	720.7	697.2	367.8	289.4	302.3	175.1	48.3	3228.3
Iturria (1): Weatherbase^[4]
Iturria (2): MSN India^[5]

Erreferentziak

↑ Kochi Global.britannica.com
↑ 2011ko erroldaren behin-behineko emaitzak: Kerala Censusindia.gov.in
↑ 2011ko erroldaren emaitzak: hiri eta metropoli eremuak Censusindia.gov.in
↑ Kochi, India. Weatherbase (Noiz kontsultatua: 2010-07-01).
↑ Kochi, India. MSN India (Noiz kontsultatua: 2010-08-03).

Kanpo estekak

Datuak: Q1800
Multimedia: Kochi, Kerala / Q1800

[1] Kochi Global.britannica.com

[2] 2011ko erroldaren behin-behineko emaitzak: Kerala Censusindia.gov.in

[3] 2011ko erroldaren emaitzak: hiri eta metropoli eremuak Censusindia.gov.in

[Wht-4] Kochi, India. Weatherbase (Noiz kontsultatua: 2010-07-01).

[MSN-5] Kochi, India. MSN India (Noiz kontsultatua: 2010-08-03).

[1]

[2]

[3]

[4]

[5]