Lagria hirta

Lagria hirta
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Tenebrionidae
Generoa	Lagria
Espeziea	Lagria hirta; Linnaeus, 1758

Lagria hirta Tenebrionidae familiako kakalardo espezie bat da, familiako kakalardo espezie bat da, zientziarako Lineok 1758an deskribatu zuena. Europan, Afrika iparraldean eta Erdialdeko Asian zabaldurik dago, baita Euskal Herrian ere^[1]^[2].

Deskribapena

7-8 mm luzera duen kakalardo txikia da. Gorputz biguna du. Burua eta pronotoa beltzak dira eta elitroak marroi-horixkak, ile fin ugariz estaliak^[2]. Emeek elitro luzeagoak dituzte eta gorputz borobiltsuagoa irudikatzen dute^[3]. Buruan begi handiak ditu eta antena beltz luzeak, ia gorputzaren uzera hartzen dutenak.

Habitata eta elikadura

Lurzoru hareatsuak atsegin baditu ere zuhaitz hostoerorkorretako baso irekietan ere aurkitzen da. Haran lehorretan zein hezeetan aurki daiteke^[4]. Kakalardo helduak loreetako nektar eta polenaz elikatzen dira.^[2]

Bizi zikloa

Maiatza eta iraila artean ikusten dira helduak. Emeak lurrean uzten ditu arrautzak eta zortzi egun pasa ondoren beldarrak ateratzen dira. Hauek usteltzen ari diren landare atalez elikatzen dira^[2]. Negua igaro ondoren udaberrian pupa eratu eta helduak ateratzen dira.